ب ا ق: «تيتانيكتىڭ» اپاتقا ۇشىراۋىنا ايسبەرگتىڭ قاتىسى جوق

استانا. قازاقپارات - جۋرناليست شەنان مولوني «تيتانيك» كەمەسىنىڭ اپاتقا ۇشىراۋىنا ايسبەرگتىڭ قاتىسى جوق دەگەن مالىمدەمە جاسادى.

Independent باسىلىمىنىڭ جازۋىنشا، مولوني 30 جىل بويى زەرتتەۋ جۇرگىزىپ، كەمەنىڭ اپاتقا ۇشىراۋ سەبەبىن انىقتاماق بولادى. ول كەمەنىڭ ساياحاتقا شىعاردان بۇرىنعى، ايسبەرگكە سوعىلعاننان كەيىنگى سۋرەتتەرىن زەرتتەگەن. جۋرناليستىڭ بولجامىنشا، پاروحودتىڭ ايسبەرگكە سوعىلعان جەرى تۇسىرىلگەن سۋرەتتەردە ۇزىندىعى 9 مەتر بولاتىن قارا كۇيەنىڭ ءىزى جاتىر. بۇل «تيتانيك» اپاتقا ۇشىراماستان بۇرىن بۇزىلعانىن دالەلدەيدى دەيدى ول.

باسىلىم حابارلاعانداي، ساراپشىلار بۇل جانارماي قويماسىندا بولعان ءورتتىڭ ءىزى بولۋى مۇمكىن دەگەن بولجامدى راستادى. ولار بىرنەشا اپتا بويى كەمەدە ءورت شىققان، كوماندا ءتىلسىز جاۋدى وشىرۋگە قانشا تىرىسسا دا، ءورتتى ءسوندىرۋ مۇمكىن بولمادى دەگەن بولجام ايتادى. مولونيدىڭ پىكىرىنشە، كەمەنىڭ يەلەرى ءورت جايلى جولاۋشىلارعا حابارلاماعان ءارى قىزمەتكەرلەرىنە تىس جارماۋ تۋرالى بۇيىرعان- مىس. جۋرناليست كەمە ايسبەرگە سوعىلعانعا دەيىن قاپتاماسى جارامسىز بولعان دەگەن بولجام جاساپ وتىر. بۇل كەمەنىڭ اپاتقا ۇشىراۋىنا، ايسبەرگ قانا ەمەس ءورت سەبەپ ەكەنىن دالەلدەيدى.

ەسكە سالا كەتەيىك، «تيتانيك» الىپ كەمەسى 1912 -جىل اپاتقا ۇشىراعان. كەمە بورتىندا 2 مىڭنان استام ادام بولعان، ونىڭ باسىم بولىگى قازا تاپتى.