قاراقاتتى تابىنۋشىلاردىڭ ءبىرى «ءۇيىڭ جينالماعان» دەپ سوگىپ تاستادى
ءانشى ءارى پروديۋسەر قىدىرالى بولمانوۆ Instagram جەلىسىندەگى پاراقشاسىنا وتباسىلىق دەمالىس كەزىنەن اۋلاعان بالىعىنىڭ ۆيدەوسىن جۇكتەيمىن دەپ، جۇبايى قاراقات جەلى قولدانۋشىسىنان ءسوز ەستىپ تىندى.
«وسىنداي ءبىر كەرەمەت اسىر سالىپ، ساعىنىپ قالعان اق بورانعا «شومىلىپ»، التىن بالىقتىڭ ۇلكەنىن بۇيىرتقان مەيىرىمدى اللاعا سانسىز ماداق ايتىپ، ارمانسىز دەمالدىق...» دەگەن جازۋمەن بولىسكەن ۆيدەونى كورگەن جەلى قولدانۋشىلارىنىڭ پىكىرى ەكىگە ءبولىندى.
ءبىرى «قاراقات، ءۇيىڭىز شاشىلىپ جاتىر عوي، ۇيگە دە ءبىر مەزگىل كوڭىل بولسەڭىزشى. ساحنا دەپ جۇگىرە بەرمەي... جيناقى تۇرعان دۇرىس» دەپ پىكىر قالدىرعانى سول ارتىنشا جازبا اۆتورى بولمانوۆ «قاراقاتىما تازالىعى ءۇشىن دە عاشىق بولعانمىن» دەپ جاۋاپ قاتتى. سىني پىكىردى وقىعان وزگە جەلى قولدانۋشىلارى بۇل ەسكەرتپەنى ۇناتپاي قالدى.
«شاشىلىپ تۇرعان دۇرىس، ءتىل-كوز وتپەيدى. جيناماڭىز، قاراقات، ءوز دەنساۋلىعىڭىزدى كۇتىڭىز، بالالى ءۇي سولاي بولۋ كەرەك»، «ءۇي جينالادى، ءبىراق بالالار بولسا، شاشىلادى. انام ايتۋشى ەدى، «ءۇيدى تىقىر ەتىپ جيناما» دەپ... ءۇي شاشىلىپ تۇرسا، بەرەكەلى بولادى دەيدى. ءبىراق اركىمنىڭ تۇسىنىگى ءارقالاي...» دەپ قارسى شىقسا، كەيبىرى ۆيدەو ۇيدە ەمەس، دەمالىس ايماعىندا تۇسىرىلگەنىن العا تارتقان.
كورىنىستىڭ دەمالىس ايماعىندا تۇسىرىلگەنىن قىدىرالى بولمانوۆتىڭ ءوزى دە راستادى.
Осындай бір керемет асыр салып,сағынып қалған ақ боранға "шомылып" алтын балықтың. үлкенін бұйыртқан мейірімді Аллаға сансыз мадақ айтып,армансыз демалдық...
