08:12, 05 - قاڭتار 2017 | GMT +5
ب ۇ ۇ استانادا وتەتىن سيريا كەلىسسوزدەرىنە شاقىرتۋ الۋعا ۇمىتتەنەدى
استانا. قازاقپارات - ب ۇ ۇ- نىڭ سيريا بويىنشا ارنايى ەلشىسى ستاففانا دە ميستۋردىڭ كەڭسەسىندە استاناداعى كەلىسسوزدەرگە شاقىرتۋ الۋعا ۇمىتتەنەتىنىن ءمالىم ەتتى.
ولاردىڭ ايتۋىنشا، ب ۇ ۇ ق ك رەزوليۋتسيا تۋرالى ۇسىنىسىندا 23- قاڭتار كۇنى استانادا ب ۇ ۇ- نىڭ قاتىسۋىمەن كەلىسسوز بولاتىنى ەسكەرتىلگەن. وسى كۇندى تۇركيا س ءى م- ءىنىڭ باسشىسى اتاپ وتكەن، دەپ حابارلايدى ر ي ا نوۆوستي اگەنتتىگى.
«ءبىزدىڭ تۇسىنۋىمىزشە، استاناداعى ۇيىمداستىرۋشىلار دايىندىقتى باستاپ جىبەرگەن. ءبىزدى شاقىرادى دەپ جانە وسى جيىنعا قاتىسامىز دەپ ۇمىتتەنەمىز»، - دەدى ول.
سونداي-اق، كەزدەسۋگە دايىندىق بارىسىندا «وپپوزيتسيا» وكىلدەرى 16- قاڭتارعا دەيىن وزدەرىنىڭ باراتىن دەلەگاتسياسىنىڭ قۇرامىن بەكىتۋ بويىنشا مىندەتتەمە الدى.
