07:10, 05 - قاڭتار 2017 | GMT +5
ب ۇ ۇ باس حاتشىسىنىڭ ارنايى ەلشىسى استاناعا سيريا ماسەلەسىن تالقىلاۋ ءۇشىن شاقىرتىلدى
استانا. قازاقپارات - ب ۇ ۇ باس حاتشىسىنىڭ سيريا ماسەلەسى بويىنشا ارنايى ەلشىسى ستاففان دە ميستۋرا استاناعا سيريا ماسەلەسىن رەتتەۋ ءۇشىن شاقىرتىلدى.
الايدا ونىڭ شاراعا قاتىساتىنى تۋرالى ناقتى دەرەك جوق، دەپ جازادى ر ي ا نوۆوستي ب ۇ ۇ قاسىنداعى ر ف تۇراقتى وكىلى ۆيتالي چۋركينگە سىلتەمەمەن.
«ارينە، ول شاقىرتىلدى. ونىڭ ءوزى كەلەتىنىنە كۇمانىم بار، ءبىراق ونىڭ ادامدارى بولۋى ءتيىس»، - دەدى چۋركين تىلشىلەرگە.
ب ۇ ۇ باس حاتشىسىنىڭ ارنايى ەلشىسى ستاففان دە ميستۋرانىڭ كەڭسەسى سارسەنبى كۇنى استاناعا شاقىرتۋ الۋعا ءۇمىتتى ەكەندىكتەرىن ءمالىم ەتكەن بولاتىن. ولاردىڭ مالىمدەۋىنشە، 23 -قاڭتار كۇنى ب ۇ ۇ ق ك قارارىنا قوسىمشادا استانادا ب ۇ ۇ- نىڭ قاتىسۋىمەن جۇمىستار باستالاتىن كۇن رەتىدە جازىلعان.
