21:36, 04 - قاڭتار 2017 | GMT +5
تۇنگى كلۋبقا شابۋىل جاساعان ادامنىڭ كىم ەكەنى انىقتالدى
استانا. قازاقپارات - تۇركيا سىرتقى ىستەر ءمينيسترى ميەۆليۋت چاۆۋشوگلۋ بيلىك جاڭا جىل ءتۇنى ستامبۋلداعى تۇنگى كلۋبقا شابۋىل جاساعان ادامنىڭ كىم ەكەنىن انىقتاعانىن مالىمدەدى. ميەۆليۋت چاۆۋشوگلۋ بۇگىن Anadolu اگەنتتىگىنە شابۋىل جاساعان ادامنىڭ اتى-ءجونى انىقتالعانىن حابارلاعانىمەن، تولىققاندى اقپار بەرمەدى.
قاڭتاردىڭ 1 ءى كۇنى تۇندە ستامبۋلداعى Reina كلۋبىنا اۆتوماتپەن قارۋلانعان ەر ادام باسىپ كىرىپ، جاپپاي وق اتقان. شابۋىلدان كەمىندە 39 ادام قازا تاۋىپ، 69 ادام جارالانعان. كۇدىكتى شابۋىلدان سوڭ جاسىرىنىپ ۇلگەرگەن. شابۋىلدىڭ جاۋاپكەرشىلىگىن «يسلام مەملەكەتى» (ي م) ەكسترەميستىك ۇيىمى موينىنا العان.
بۇعان دەيىن Anadolu اگەنتتىگى يزميردە ي م- ءنىڭ سەزىكتى بەس مۇشەسى ۇستالعانى تۋرالى حابارلاعان. اگەنتتىكتىڭ مالىمەتىنشە، تۇنگى كلۋبقا شابۋىلدى تەرگەۋ اياسىندا كەم دەگەندە 14 ادام، ونىڭ ىشىندە ەكى شەتەلدىك ۇستالعان.
«ازاتتىق»
