ەۋروپالىقتاردىڭ «توبە شاشىن تىك تۇرعىزعان» ناماز - كەسكىن

​استانا. قازاقپارات - عالامتوردا جاريالانعان گوللاندىق بالالاردىڭ ناماز وقىپ جاتقان ءساتى بەينەلەنگەن ۆيدەو ەۋروپادا داۋ- دامايعا تۇرتكى بولدى.

ناقتىراق ايتقاندا، گوللانديانىڭ زۆوللە (Zwolle) قالاسىنداعى Ghulzar e Madina مەشىتىنىڭ يمامى گوللاندىق وقۋشى بالالارعا ناماز ۇيرەتكەنى قوعامدا نارازىلىق تۋدىردى. گوللاندىق جالپى ءبىلىم بەرۋ باعدارلاماسىنا ساي مەكتەپ وقۋشىلارى وسى ەلدەگى ازشىلىقتى قۇرايتىن ۇلتتاردىڭ مادەنيەتىمەن تانىس بولۋى كەرەك. اتالعان باعدارلاما اياسىندا مەكتەپكە جاقىن ورنالاسقان مەشىتكە وقۋشىلاردى ەرتىپ كەلىپ، يسلام جايىندا مالىمەت بەرىپ، نامازدى قالاي وقۋ كەرەكتىگىن كورسەتكەن.