الماتى اكىمى ۋنيۆەرسياداعا دەيىن اۋەجايداعى ولقىلىقتاردى جويۋدى تاپسىردى - فوتو

الماتى. قازاقپارات - الماتى اكىمى باۋىرجان بايبەك قالاداعى حالىقارالىق اۋەجايدىڭ قىسقى ۋنيۆەرسياداعا دايىندىعىن تەكسەردى، دەپ حابارلايدى «قازاقپارات» ح ا ا ءتىلشىسى.

قالا اكىمى بۇعان دەيىن جاسالعان ەسكەرتۋلەردى جويۋ بويىنشا اۋەجاي باسشىلىعى تاراپىنان ءبىرقاتار تاپسىرمالار اتقارىلعانىن ايتتى. ناقتىراق ايتقاندا، بۇگىندە عيمارات ىشىندەگى تەحنيكالىق قۇرىلعىلار ءۇش تىلدە جۇرگىزىلەتىن بولعان، جۇكتەردى الۋ ۋاقىتى قىسقارىپ، ۇشىپ كەلۋ زالىندا دەكلاراتسيالاردى تولتىرۋ ورىندارىنىڭ سانى ارتقان.

الايدا، الماتى اكىمى اۋە پورتىنداعى قىزمەت كورسەتۋ فاكتورلارىنا كەرى اسەر ەتىپ وتىرعان تاعى ءبىرقاتار ماسەلەگە نازار اۋدارتتى.

اتاپ ايتقاندا، باۋىرجان بايبەك قىزمەت كورسەتۋ نىساندارىندا اقپاراتتىق تاقتالار جوقتىعىن، بانكوماتتاردىڭ ءبىرقاتارى ىستەمەيتىنىن، كەيبىر ورىنداردا قولما- قول اقشاسىز تولەم جاسايتىن pos-تەرمينالداردىڭ بولماۋىن، ساتىپ الىناتىن تاۋارلاردا باعا كورسەتكىشى ءۇش تىلدە جازىلماعانىن ەسكەرتتى.

الماتى اكىمى قوعامدىق تاماقتانۋ ورىندارىنداعى سانيتارلىق تازالىقتىڭ جوقتىعىن باسا ايتتى. ءتىپتى، ونىڭ كەيبىرى باسشىلىق كەلەر الدىندا جابىلىپ تا قالعان.

شاھار باسشىسىنىڭ ورىنباسارى رۋميل تاۋفيكوۆقا ەسكەرتىلگەن ولقىلىقتاردى شۇعىل تۇردە جويۋ تاپسىرىلدى.

سونداي-اق مەگاپوليس اكىمى جۇرگىزىلگەن جۇمىستار بويىنشا الماتىنىڭ قوعامدىق كەڭەس مۇشەلەرى، باق وكىلدەرى، بلوگەرلەردىڭ قاتىسۋىمەن اۋەجايدا پرەسس- تۋر ۇيىمداستىرۋ قاجەتتىگىن تاپسىردى.

ەسكە سالا كەتەيىك، 2016 -جىلدىڭ قاراشا ايىندا قالالىق قوعامدىق كەڭەس وتىرىسىندا 28- قىسقى ۋنيۆەرسياداعا دايىندىق بويىنشا اۋەجايداعى كەمشىلىكتەر ايتىلعان بولاتىن.

اۆتور: الماس مۇقاش ۇلى