استانادا جاڭا مۋزەي اشىلادى
«مەملەكەت باسشىسىنىڭ الەمدىك جانە ءداستۇرلى دىندەر ليدەرلەرىنىڭ 5 -سيەزىندە بەرگەن تاپسىرماسىنا سايكەس، 2017 -جىلى بەيبىتشىلىك پەن كەلىسىم مۋزەيىن اشۋ جوسپارلانعان. مۋزەيدىڭ اشىلۋى كونفەسسياارالىق جانە ۇلتارالىق كەلىسىمدى نىعايتۋعا، ادامزاتتىڭ دامۋ ماسەلەلەرى توڭىرەگىندە بىرلەسىپ جۇمىس ىستەۋگە، دىندەر مەن حالىقتاردى جاقىنداستىرۋعا، الەمدىك جانە ءداستۇرلى دىندەر سەزدەرىندە ايتىلعان يدەيالاردى كەڭىنەن ناسيحاتتاۋعا، سونداي-اق بەيبىتشىلىك پەن كەلىسىمگە ءوز ۇلەستەرىن قوسىپ جۇرگەن ۇيىمداردىڭ مارتەبەسىن كوتەرۋگە ءوز سەپتىگىن تيگىزەدى»، - دەلىنگەن مينيسترلىكتىڭ رەسمي حابارلاماسىندا.
ايتا كەتەيىك، 2015 -جىلى وتكەن الەمدىك جانە ءداستۇرلى دىندەر ليدەرلەرىنىڭ سيەزىندە ق ر پرەزيدەنتى نۇرسۇلتان نازاربايەۆ استاناداعى بەيبىتشىلىك پەن كەلىسىم سارايىندا ونىمەن اتتاس مۇراجايدى اشۋدى ۇسىنعان بولاتىن. مۋزەي سەزدىڭ عىلىمي مەكەمەسى رەتىندە جۇمىس ىستەپ، دىندەر مەن مادەنيەتتەر ديالوگىنىڭ تاريحىن زەردەلەيدى دەگەن جوسپار بار.
سونداي-اق سەزدە ايتىلعان بارلىق يدەيالاردى كەڭىنەن ناسيحاتتاماق. الەمدىك جانە ءداستۇرلى دىندەر ليدەرلەرىنىڭ سەزى ەلباسىنىڭ باستاماسىمەن العاش رەت 2003 -جىلى ءوتتى. كەلەلى فورۋم ءار ءۇش جىل سايىن وتەدى. وعان 40 تان استام ەلدەن بارلىق الەمدىك جانە ءداستۇرلى دىندەرگە، سونداي-اق بەدەلدى ءدىني جانە حالىقارالىق ۇيىمدارعا قاتىسى بار دەلەگاتسيالار قاتىسادى.
اۆتور: ارمان اسقاروۆ
