07:53, 04 - قاڭتار 2017 | GMT +5
شىمكەنتتە قىستا قىزعالداق ەگىلۋدە
استانا. قازاقپارات - جۋىردا عانا وڭتۇستىك وڭىردە ەرتە كوكتەمدە شىرايلى شىمكەنتتى تۇرلەندىرەتىن قىزعالداق گۇلىن ەگۋ جۇمىستارى باستالدى.
«ل ت د» تۇرمىس مەكەمەسىنىڭ 30 جۇمىسشىسى 10 كۇننىڭ ىشىندە پولشالىق 4500 گۇلدىڭ تۇقىمىن جەرگە وتىرعىزۋى ءتيىس، دەپ جازادى otyrar.kz.
سالا ماماندارىنىڭ ايتۋىنشا، بۇل قىزعالداقتار ەرتە كوكتەمدە 15 كۇن عانا قالالىقتاردى قۋانىشقا بولەيدى. مەرزىمى وتىسىمەن ونىڭ تۇقىمى قازىلىپ الىنادى جانە ارنايى جەردە ساقتالىپ، وسى مەزگىلدە قايتا ەگىلەدى ەكەن. بۇگىن ەگىلىپ جاتقان گۇلىمىز دەر كەزىندە اشىلاتىنىنا سالا ماماندارى سەنىمدى.
