جەڭىل اتلەتيكاداعى الەمدىك رەكوردتاردى جوققا شىعارۋ ۇسىنىلدى

استانا. قازاقپارات - حالىقارالىق سپورتتىق باسپا ءسوز قاۋىمداستىعىنىڭ باسشىسى (AIPS) دجانني مەرلو حالىقارالىق جەڭىل اتلەتيكالار قاۋىمداستىعىنىڭ پرەزيدەنتى (IAAF) سەباستيان كوۋعا وسى سپورت تۇرىنەن بارلىق رەكاوردتاردى جوققا شىعارۋدى ۇسىندى.

اشىق حاتتىڭ ءماتىنى 3 -جەلتوقسان، سەيسەنبى كۇنى AIPS سايتىندا جاريالاندى. «ەگەر دوپينگ ماسەلەسى سونشالىقتى ۋشىققان بولسا، جاعداي قازىر قالاي بولدى ەكەن. مەنىڭشە، جەڭىل اتلەتيكا بويىنشا الەمدىك رەكوردتار كىتابىن جاۋىپ تاستاپ، جاڭاسىن اشاتىن ۋاقىت جەتتى»، - دەپ ەسەپتەيدى مەرلو.

ونىڭ سوزىنشە، بۇنداي قاجەتتىلىكتىڭ تۋىنداپ وتىرعان سەبەبى - كوپتەگەن وليمپيادا چەمپيوندارى مەن رەكوردشىلارى وزدەرىنىڭ ماراپاتتارىنان دوپينگتىڭ كەسىرىنەن ايىرىلدى. «سول سەبەپتى ەندى جەڭىل اتلەتيكانىڭ جاڭا كەزەڭىن اشسا كەرەمەت بولار ەدى. ول بولاشاق بۋىننىڭ ءۇمىتىن وياتار ەدى»، - دەلىنگەن حاتتا. 2016 -جىلدىڭ قاڭتار ايىندا تۋرا وسىنداي ۇسىنىسپەن  ۇلى بريتانيانىڭ جەڭىل اتلەتيكا فەدەراتسياسىنىڭ پرەزيدەنتى ەد ۋورنەر دە شىققان بولاتىن، دەپ جازادى lenta.ru.