قىرعىز پرەزيدەنتى وزبەكستان پرەزيدەنتىن ەلىنە شاقىردى

استانا. قازاقپارات - قىرعىزستان وزبەكستانمەن قارىم-قاتىناستى نىعايتۋعا نيەتتى. وسىلاي دەپ قىرعىزستان پرەزيدەنتى المازبەك اتامبايەۆ وزبەكستان پرەزيدەنتى شاۆكات ميرزيايەۆقا جولداعان جولداۋىندا ايتادى.

centralasian.org-تىڭ حابارىنشا، قىرعىز باسشىسى جولداۋىندا 2016-جىلدىڭ 24- جەلتوقسانىندا وزبەكستانعا ءوزى باستاپ بارعان ساپارى كەزىندەگى كورسەتكەن سىي-قۇرمەتى مەن قوناقجايلىعىنا العىسىن بىلدىرەدى.

المازبەك اتامبايەۆ شاۆكات ميرزيايەۆپەن قول قويعان قىرعىزستان مەن وزبەكستاننىڭ ماڭگىلىك دوستىعى جونىندەگى كەلىسىمدى ريزاشىلىقپەن ەسكە الاتىنىن ايتقان.

«مەنىڭ تەرەڭ تۇيسىگىم بويىنشا، ەكى ەل قارىم-قاتىناسىنىڭ ءوزارا تۇسىنۋشىلىكپەن ءارى قاراي جۇمىس ىستەيتىن ناقتى باعىتى انىقتالدى. بۇل كەلىسىمدە كورسەتىلگەندەي، ءبىزدىڭ ەلدىڭ حالقىنىڭ جاڭا ومىرگە جول باستاۋىنا مۇمكىندىك بەرەدى»، - دەپ اتاپ وتكەن اتامبايەۆ.

قىرعىزستان باسشىسىنىڭ ويىنشا، ەكى ەل پرەزيدەنتى قول جەتكىزگەن كەلىسىم وزبەكستان مەن قىرعىزستان اراسىنداعى بارلىق پروبلەمالاردى تۇپكىلىكتى شەشۋگە مۇمكىندىك بەرەدى.

المازبەك اتامبايەۆ ءوزىنىڭ جولداۋىندا وزبەكستان پرەزيدەنتىن 2017-جىلى وزىنە ىڭعايلى ۋاقىتتا قىرعىزستانعا رەسمي ساپارمەن كەلۋگە شاقىردى.

Baq.kz