15:15, 03 - قاڭتار 2017 | GMT +5
تانىمال بوكسشى شاشىن بوياعانى ءۇشىن جارتى جىلعا سپورتتان شەتتەتىلدى
استانا. قازاقپارات - بوكستان ءۇش دۇركىن الەم چەمپيونى جانە وليمپيادا ويىندارىنىڭ قولا جۇلدەگەرى كۋبالىق لاسارو الۆارەستى جەرگىلىكتى بوكس فەدەراتسياسى قاتاڭ جازالادى دەپ حابارلايدى Prosports.kz.
كۋبا بوكس فەدەراتسياسى شاشىن باسقا تۇسكە بوياعان لاسارو الۆارەستى ۇلتتىق قۇرامادان شىعارىپ تاستادى دا، التى اي مەرزىمدە سپورتتان الىستاتتى.
«مودا ءۇشىن ەمەس، ءدىني سەبەپتەرگە بايلانىستى شاشىمدى باسقا تۇسكە بويادىم. كۋبانىڭ بوكس زاڭناماسىندا شاش بوياۋعا تىيىم سالىنعان. سول سەبەپتى ولار مەنى سپورتتان شەتتەتتى»، - دەدى لاسارو.
ەستەرىڭىزگە سالا كەتسەك، الۆارەس اۋەسقوي بوكستان كۋبا قۇراماسىنىڭ جەتەكشى سپورتشىسى بولعان. لاسارو ءۇش رەت الەم چەمپيوناتىن جەڭگەن جانە ەكى رەت وليمپيادا ويىندارىندا قولا مەدال يەلەنگەن.
