كوكشەتاۋداعى ساۋدا ۇيىنە «جارىلعىش زات» قويعان ازامات ۇستالدى

كوكشەتاۋ. قازاقپارات - كوكشەتاۋداعى ساۋدا ۇيىنە «جارىلعىش زات» قويعان سولتۇستىك قازاقستاندىق ۇستالدى، دەپ حابارلايدى «قازاقپارات» ح ا ا ءتىلشىسى وبلىستىق ءى ءى د باسپا ءسوز قىزمەتىنە سىلتەمە جاساپ.

پوليتسەيلەردىڭ مالىمەتى بويىنشا 2017-جىلدىڭ 1-قاڭتارىندا اقمولا وبلىسىنىڭ ءى ءى د كەزەكشىلىك بولىمىنە سولتۇستىك قازاقستان وبلىسىنىڭ ءى ءى د كەزەكشىلىك ءبولىمىنىڭ پوليتسەيى حابارلاسقان.

كورشى وبلىستىڭ پوليتسەيىنىڭ ايتۋىنشا، س ق و ت ج د كەزەكشىلىك بولىمىنە بەلگىسىز ەر ادام قوڭىراۋ شالىپ، كوكشەتاۋداعى ساۋدا ورىندارىنىڭ بىرىنە جارىلعىش زات قويىلعانىن ايتقان.

«وسىعان وراي، اقمولا وبلىستىق ءى ءى د جەدەل تەرگەۋ توبى مەن جارىلعىش زاتتى انىقتاپ، زالالسىزداندىراتىن تەحنيكتەر اتالعان ساۋدا ۇيىنە جەتتى. الايدا، ىزدەستىرۋ شاراسى بارىسىندا ەشقانداي جارىلعىش زات تابىلمادى. سونىمەن قاتار، ساۋدا ورنى جابىق بولعاندىقتان ادامداردى قاۋىپسىز جەرگە شىعارۋ دا قاجەت بولمادى. دەگەنمەن، جەدەل ىزدەستىرۋ شاراسى بارىسىندا جالعان «بومبا» قويعان س ق و سارىبۇلاق اۋىلىنىڭ 26 جاستاعى تۇرعىنى انىقتالىپ، قولعا ءتۇستى»، دەپ كورسەتىلگەن حابارلامادا.

قازىرگى كەزدە، ايىپتى كىناسىن مويىنداپ، ۇستىنەن ق ر ق ك 273- بابى بويىنشا قىلمىستىق ءىس قوزعالدى. اتالعان سانكسيا بويىنشا كىنالى ادام 6 جىلعا دەيىن باس بوستاندىعىنان ايىرىلۋى مۇمكىن.

اۆتور: اسلان وسپانوۆ