جاپوندىقتار جاڭا جىلدىق «باقىت قاپشىعىن» ساتىن الۋعا كەزەككە تۇردى

استانا. قازاقپارات - جاپونيادا بىرنەشە جىلدان بەرى ساقتالىپ كەلە جاتقان جاڭا جىلدىق داستۇرلەردىڭ ءبىرى - باستالعان جىلدىڭ العاشقى جۇمىس كۇندەرى ارنايى «باقىت قاپشىعىنىڭ» ساتىلىمعا ءتۇسۋى.

ول قوراپتىڭ ىشىندە نە بار ەكەنىن تەك ساتۋشى بىلەدى. ساۋدا جەلىلەرىنىڭ ساقتاۋى ءتيىس باستى قاعيداسى - «فۋكۋبۋكۋرو» باعاسى قاپشىق ىشىندەگى زاتپەن تەڭ نە جوعارى بولادى.

سونىمەن، توكيولىق دۇكەندەردىڭ ءبىرى «باقىت قاپشىعىنا» 200 ميلليون يەن تۇراتىن گاۋھار جاسىرعان.

ەرەكشە سىيلىقتى الۋ ءۇشىن كەي ساتىپ الۋشىلار 1-قاڭتار كۇنى تاڭەرتەڭنەن باستاپ ەسىك كۇزەتكەن. دۇكەندەردىڭ بىرىنە «باقىت قاپشىعىن» ساتىپ الۋ ءۇشىن 20 مىڭ ساتىپ الۋشى كەزەككە تۇرعان. ءۇردىس جاپوندىقتار ءۇشىن داستۇرگە اينالىپ وتىر. بۇل توسىن سىي، جاقسىلىققا ۇمىتتەندىرىپ، جاڭا جىلدىق كوڭىل-كۇي سىيلايدى.