گەرمانيادا تەراكت ۇيىمداستىرماق بولعان بوسقىن ۇستالدى

استانا. قازاقپارات - گەرمانيادا سيريالىق ميگرانت ۇستالدى. وعان تەرروريستىك اكت ۇيىمداستىرماق بولدى دەگەن كۇدىك كەلتىرىلىپ وتىر.

بۇل تۋرالى دۇيسەنبى، 2- قاڭتار كۇنى Reuters اگەنتتىگى ەل پروكۋراتۋراسىنا سىلتەمە جاساپ حابارلادى.

ۆەدومستۆو وكىلىنىڭ حابارلاۋىنشا، 2016-جىلدىڭ جەلتوقسانى كۇنى ەلدىڭ باتىسىنداعى ساربريۋككەن قالاسىندا كۇدىكتى ءوزىنىڭ تانىسىنا ۇيالى بايلانىس تەلەفونىمەن حابارلاسىپ، اڭگىمەلەسىپ وتىرعان ادامىنان جارىلعىش زات پەن جۇك كولىكتەرىن ساتىپ الۋعا 180 مىڭ ەۋرو سۇراعان.

ول اتالعان جارىلعىش زاتتى جۇك كولىكتەرىنە قوسىپ، حالىق شوعىرلانعان ايماققا ەنگىزىپ جىبەرمەك بولعان. كۇدىكتى سەنبى كۇنى، 31- جەلتوقساندا ۇستالعان.

بوسقىننىڭ اتىءجونى ازىرگە قۇپيا. ول گەرمانياعا سيريادان وسىدان ەكى جىل بۇرىن كەلگەن. ول ءوزىنىڭ «يسلام مەملەكەتى» ۇيىمىنىڭ وكىلدەرىمەن بايلانىسۋعا وقتالعانىن مويىندادى.

الايدا تەراكت دايىنداعاندىعىن مويىنداماي وتىر. ونىڭ سوزىنشە، اقشا ونىڭ جەكە وزىنە قاجەت بولعان. 19- جەلتوقسان كۇنى بەرليندە جۇك كولىگى كوشەدەگى بازاردا ساۋدا جاساۋشىلاردى قاعىپ وتكەن. كولىكتى باسقارىپ وتىرعان ادام ءىزىن جاسىرىپ ۇلگەرگەن.

الايدا كولىكتە تاعى ءبىر ادام وتىرعان ول، مەرت بولدى. وسى وقيعانىڭ سالدارىنان 12 ادام قۇربان بولىپ، 48 ادام دەنە جاراقاتتارىن الدى. گەرمانيا بيلىگى مۇنى تەراكت دەپ باعالاپ وتىر.