ەر ادام قاراعاندىداعى قيراعان ءۇيدىڭ استىنان ءتىرى تابىلدى - كەسكىن

استانا. قازاقپارات - شاحتينسك قالاسىندا قاراستى شاحان كەنتى قيراعان كوپ قاباتتى تۇرعىن ءۇيدىڭ استىندا قالعان ەر ادام ءتىرى تابىلدى، دەپ حابارلادى ق ر ءى ءى م ت ج كوميتەتىنىڭ رەسمي وكىلى رۋسلان يمانقۇلوۆ.

«8:12 دە قيراعان ءۇيىندىنىڭ استىندا قالعان 32 جاستاعى ەر كىسى قۇتقارىلدى»، - دەپ ءمالىم ەتتى رۋسلان يمانقۇلوۆ.

بۇعان دەيىن حابارلانعانداي، ءۇيىندى استىنان 9 كوز جۇمعان ادامنىڭ دەنەسى ارشىپ الىندى. ونىڭ ۇشەۋى ەر ادام، ۇشەۋى ايەل، ۇشەۋى بالا. بالانىڭ بىرەۋى 2016 -جىلعى، ەكىنشىسى 2010 -جىلعى. ۇيىندىلەردى تازارتۋعا 280 ادام جۇمىلدىرىلعان، ولاردىڭ قاتارىندا قۇتقارۋشىلار، پوليتسيا قىزمەتكەرلەرى، جەرگىلىكتى اتقارۋشى ورگاندار، جەدەل مەديتسينالىق جاردەم بريگاداسى، ۇلتتىق ۇلاننىڭ 52859 -اسكەري ءبولىمىنىڭ اۋىر تەحنيكاسى جانە جەكە كاسىپكەرلەر بار.