باسپاناسىز قالعان تەمىرجول كۇزەت قىزمەتكەرىنە ارىپتەستەرى ءۇي الۋعا كومەكتەستى

استانا. قازاقپارات - جاڭا جىل قارساڭىندا تەمىرجولدىڭ «اسكەريلەندىرىلگەن كۇزەت قىزمەتى» ا ق شىمكەنت فيليالى كومانداسىنىڭ اتقىشى مارات سيحوۆتىڭ كوپ بالالى وتباسى جاڭا ۇيگە قونىستاناتىن بولادى، دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتى.

جاقىندا «اسكەريلەندىرىلگەن كۇزەت قىزمەتى» ا ق (ا ك ق) شىمكەنت جانە  قىزىلوردا وڭىرلەرىندەگى فيليالىنىڭ ارىس وزەنى ارقىلى وتەتىن تەمىرجول كوپىرىنىڭ كۇزەتشىسى، «قوسءتۇيىن» اتقىشتار كومانداسىنىڭ جاۋىنگەرى مارات سيحوۆتىڭ ءۇيى ورتەنىپ كەتكەن بولاتىن. وتباسى مۇشەلەرى زارداپ شەككەن جوق. الايدا قىس كەزىندە ايتىپ كەلمەس اپاتتان ءۇيدىڭ بارلىق مۇلكى ورتەنىپ كەتكەن ەدى.

ماراتقا «اسكەريلەندىرىلگەن كۇزەت قىزمەتى» ا ق باسشىلىعى مەن ۇجىمى قولداۋ كورسەتىپ بارلىق وڭىردەگى ارىپتەستەرى ماتەريالدىق كومەك بەرۋگە ۇمتىلدى. تەمىرجول نىسانىن كۇزەتۋشىلەر جيناعان قارجى ءۇيى ورتەنىپ كەتكەن قىزمەتكەرىنىڭ باستاپقىداعى قاجەتتى ءۇي ىشىلىك زاتتارى مەن ءۇي ساتىپ الۋىنا دا بولاتىنداي ەتىپ جينالدى. جينالعان قارجىعا مارات سيحوۆ وڭتۇستىك قازاقستان وبلىسى، وتىرار اۋدانى، ش. قالداياقوۆ اۋىلىنان ءۇي ساتىپ الىندى. «قوعامنىڭ ۇجىمى مەن «ا ك ق» ا ق پرەزيدەنتىنە كورسەتكەن كومەكتەرى ءۇشىن العىسىم شەكسىز. سىزدەردىڭ كومەكتەرىڭىز مەنىڭ وتباسىم ءۇشىن ۇلكەن قولداۋ بولدى. مەنىڭ جالعىز ءوزىمنىڭ ەشنارسەگە دە مۇمكىندىگىم جەتپەيتىندەي ەدى»، - دەپ مارات سيحوۆ ارىپتەستەرىنە العىس ايتتى.