10:22, 02 - قاڭتار 2017 | GMT +5
ا ق ش-تان شەتتەتىلگەن رەسەيلىك ديپلوماتتار مىنگەن ۇشاق ۆاشينگتوننان ۇشىپ شىقتى
استانا. قازاقپارات - ۆاشينگتوننان امەريكالىق اكىمشىلىك ا ق ش- تان شەتتەتكەن رەسەيلىك ديپلوماتتار مىنگەن ۇشاق ۇشىپ شىقتى، دەپ حابارلايدى ر ي ا نوۆوستي ر ف ەلشىلىگىنە سىلتەمەمەن.
«ۇشاق اتتاندى، ءبارى ۇشىپ كەتتى» دەپ حابارلاعان ەلشىلىك. بەيسەنبى كۇنى ا ق ش پرەزيدەنتى باراك وبامانىڭ اكىمشىلىگى رەسەيلىك 9 مەكەمە، كومپانيا جانە زاڭدى تۇلعالارعا، سونىڭ ىشىندە ف ق ق مەن ب ب ب- عا قارسى سانكسيا ەنگىزگەن بولاتىن. ولارعا «سايلاۋ ىسىنە ارالاستى» جانە رەسەيدە قىزمەت اتقارىپ جۇرگەن «امەريكالىق ديپلوماتتارعا قىسىم كورسەتتى» دەگەن ايىپ تاعىلعان.
ر ف باسشىسى ۆلاديمير پۋتين ۆاشينگتونعا جاۋاپ رەتىندە امەريكالىق ەلشىلەردى ەلدەن شىعارمايتىنىن ءمالىم ەتكەن.
