قاراعاندى وبلىسىندا كوپقاباتتى ءۇيدىڭ ءبىر بولىگى وپىرىلىپ ءتۇستى، ادام شىعىنى بار - فوتو

استانا. قازاقپارات - 1 -قاڭتار كۇنى 22:40-تا قاراعاندى وبلىسى ت ج د قۇتقارۋ بولىمىنە شاحتينسك قالاسى شاحان اۋىلىنداعى كوپقاباتتى ءۇيدىڭ ءبىر بولىگى وپىرىلىپ تۇسكەنى جايلى حابار كەلدى.

بۇل تۋرالى ق ر ءى ءى م ت ج ك رەسمي وكىلى رۋسلان يمانقۇلوۆ حابارلادى. وقيعا ورنىنا شۇعىل تۇردە ت ج د قۇتقارۋشىلارى جونەلتىلىپ، تۇرعىندار كوشىرىلدى. قازىرگى ساتتە 4 ادام قۇتقارىلدى، ونىڭ 2 ەۋى - بالالار.



مالىمەتتەر بويىنشا، ءۇيىندىنىڭ استىندا قالىپ قويعان تۇرعىندار بار. 1 ادامنىڭ ءمايىتى تابىلدى، ول ءۇيدىڭ بولىگى قۇلاۋى كەزىندە قازا تاپقان. قازىر قۇتقارۋشىلار ءۇيىندىنى ارشۋ جۇمىستارىن جۇرگىزىپ جاتىر. وعان 70 ادام مەن 16 تەحنيكا جۇمىلدىرىلدى. وقيعانىڭ نەدەن بولعانى انىقتالۋ ۇستىندە. قوسىمشا اقپارات بەرىلەتىن بولادى.