04:04, 02 - قاڭتار 2017 | GMT +5
بەلگىسىز بىرەۋلەر دەپۋتاتتى اتىپ كەتتى
استانا. قازاقپارات - ءبىر جىل بۇرىن توعىز جاستاعى بالانى اۋىر جارالاعان بانگلادەشتىڭ بيلىكتەگى پارتياسىنىڭ پارلامەنتتەگى وكىلىن بەلگىسىز بىرەۋلەر اتىپ كەتتى، - دەپ حابارلايدى AFP اگەنتتىگى.
پوليتسيا وكىلىنىڭ ايتۋىنشا، ەلدىڭ سولتۇستىگىندەگى گايباندحا ايماعىندا 48 جاستاعى ماندجۋرۋل يسلام ليتونعا ءۇش ادام شابۋىل جاساعان. ولار وقيعا ورنىنان قاشىپ ۇلگەرگەن.
ەسكە سالايىق، «اۆاما ليگ» پارتياسىنىڭ پارلامەنتتەگى وكىلى ليتون قازان ايىندا توعىز جاستاعى بالا جاراقات العان اتىستى تەرگەۋ اياسىندا ۇستالعان بولاتىن.
بولجام بويىنشا، دەپۋتات جانجالداسىپ قالعان بالانىڭ اعاسىنىڭ جانىنان ءوتىپ بارا جاتقان. قارۋ العان ليتون ءمۇلت كەتىپ، وق بالاعا تيگەن. پوليتسيا ەلدەگى جاپپاي نارازىلىق شاراسىن تۋدىرعان بۇل وقيعانى ءالى تەرگەپ جاتىر.
tengrinews.kz
