17:17, 01 - قاڭتار 2017 | GMT +5
جاڭا جىلدىڭ ءبىرىنشى توقسانىندا بايقوڭىردان ءۇش رەت عارىش كەمەسى ۇشىرىلادى
بايقوڭىر. قازاقپارات - روسكوسموس 2017-جىلعى قاڭتار-ناۋرىزداعى عارىش اپپاراتتارىن ۇشىرۋ كەستەسىن جاريالادى، دەپ حابارلادى «قازاقپارات» ح ا ا ءتىلشىسى.
حالىقارالىق عارىش ستاناساسىنىڭ باعدارلاماسى بويىنشا 2017-جىلعى ءبىرىنشى توقساندا بايقوڭىر عارىش ايلاعىنان ەكى ۇشىرىلىم جۇزەگە اسىرىلادى دەپ جوسپارلانۋدا. 21- اقپاندا ح ع س- قا «پروگرەسس م س-05» كولىكتىك جۇك كەمەسى ۇشادى.
27- ناۋرىزدا كەزەكتى ەكسپەديتسيامەن «سويۋز م س-04» كولىكتىك باسقارىلاتىن كەمەنى ۇشىرۋ جوسپارلانۋدا. كوممەرتسيالىق باعدارلامالار بويىنشا 2017-جىلعى قاڭتار-ناۋرىزدا 2 ۇشىرىلىم جوسپارلانعان: ءبىرىنشىسى بايقوڭىر عارىش ايلاعىنان، ەكىنشىسى گۆيان عارىش ورتالىعىنىڭ كۋرۋ عارىش ايلاعىنان «پروتون-م» زىمىران تاسىعىشىن ۇشىرۋ.
بىرنەشە رەت كەيىنگە قالدىرىلعان («ەكوستار-21») عارىش اپپاراتىمەن «پروتون- م» زت ۇشىراتىن كۇن جايىندا قوسىمشا حابارلانادى، دەپ اتاپ ءوتتى روسكوسموس باسپا ءسوز قىزمەتى.
