قازاقستان سىرتقى ىستەرى ستامبۇلداعى تەراكتىدە زارداپ شەككەندەردىڭ اراسىندا قازاقستاندىقتاردىڭ بار-جوعىن تەكسەرۋدە

استانا. قازاقپارات - قازاقستان سىرتقى ساياسي ۆەدوموستۆوسى ستامبۇلداعى تۇنگى كلۋبتا بولعان شابۋىلدان زارداپ شەككەندەردىڭ اراسىندا وتانداستارىمىز بار-جوقتىعىن تەكسەرۋدە.

بۇل تۋرالى «قازاقپارات» ح ا ا تىلشىسىنە ق ر س ءى م باسپا ءسوز قىزمەتىنىڭ جەتەكشىسى ءانۋار جايناقوۆ تەلەفون ارقىلى حابارلادى.

بۇدان بۇرىن ءمالىم ەتىلگەندەي، Reinа تۇنگى كلۋبىنداعى شابۋىل سالدارىنان 35 ادام قازا تاۋىپ، جارالانعاندار سانى 40 قا جەتكەن ەدى.

بۇل تۋرالى ستامبۇلدا جۇرگەن وتانداسىمىز نۇرات يلياس حابارلادى. سانتا كلاۋس كوستيۋمىن كيگەن ەكى ەر ادام «رەينا» تۇنگى كلۋبىنا باسىپ كىرىپ، بەيبەرەكەت وق اتقان. ولار شابۋىل جاساعان كەزدە عيماراتتىڭ ىشىندە 700-800 ادام بولعان.

«2017-جىل تۇركيانىڭ ءىرى قالاسىندا تەررورلىق اكتىمەن باستالدى. سالافيتتەر تۇنگى كلۋبقا كىرىپ اۆتوماتتان جاپپاي وق اتا باستادى. ولاردىڭ پىكىرىنشە، جاڭا جىلدى مەرەكەلەۋ - بۇل حارام. جانە مۇنداي پايىمداۋ الەۋمەتتىك جەلىدە تارالعان»، - دەپ جازدى نۇرات يلياس Facebook-تە.

ول ستامبۇل ۋنيۆەرسيتەتىندە «تيۋركولوگيا» ماماندىعى بويىنشا دوكتورانتۋرادا وقيدى. ءۇش جىلدان بەرى وسى قالادا تۇرادى.