قازاقستاندا دوپينگپەن كۇرەستىڭ كۇشەيتىلگەن شارالارى زاڭدا جازىلادى

استانا. قازاقپارات - ق ر مادەنيەت جانە سپورت مينيسترلىگى ەل ۇكىمەتىنە سپورتتا دوپينگ قولدانۋمەن كۇرەسكە باعىتتالعان شارالار ناقتى كورسەتىلگەن زاڭ جوباسىن ۇسىناتىن بولادى، دەپ حابارلايدى قازاقپارات.

«قازىرگى ۋاقىتتا دوپينگ قولدانعانى ءۇشىن جازا شارالارىن قاتاڭداتۋ بويىنشا الەمدىك تاجىريبەنى زەردەلەۋ جۇمىستارى جۇرگىزىلىپ جاتىر. ولار الداعى ۋاقىتتا قازاقستان رەسپۋبليكاسىندا دا قولدانىلۋى مۇمكىن. مينيسترلىك بارلىق ءىس- شارالاردى جۇرگىزگەننەن كەيىن ۇكىمەتكە «دەنە تاربيەسى جانە سپورت تۋرالى» ق ر زاڭىنا سپورتتا دوپينگ قولدانۋدى تىيۋ شارالارىن كۇشەيتۋگە قاتىستى وزگەرىستەر ەنگىزۋ تۋرالى باستامامەن شىعادى»، - دەپ حابارلادى مينيسترلىكتىڭ باسپا ءسوز قىزمەتىنەن.

ايتا كەتەرلىگى، بۇعان دەيىن Fox Sports تەلەارناسى دوپينگ قولدانعانى ءۇشىن 2008 جانە 2012 -جىلعى وليمپيادا ويىندارىنىڭ مەدالىنەن ايىرىلعان سپورتشىلار تۋرالى مالىمەتتەردى جاريا ەتكەن بولاتىن. اتالعان تىزىمدە قازاقستان 2- ورىندا تۇر. ويتكەنى، حالىقارالىق وليمپيادا كوميتەتى قازاقستاننىڭ 9 سپورتشىسىن مەدالىنەن ايىرعان. كوش باسىندا 19 سپورشىسى دوپينگ داۋىنا ىلىككەن رەسەي تۇر. ال 7 ناگرادادان قاعىلعان بەلارۋس ءۇشىنشى ورىندا. مۇنداي داۋ- دامايعا قاراماستان قازاقستان سپورتشىلارى بيىلعى ريو وليمپياداسىندا تاماشا ونەر كورسەتتى دەپ ايتا الامىز.

جالپى، ريو- دە- جانەيروداعى 31- جازعى وليمپيادا ويىندارىندا قازاقستان قۇراماسى 22-ورىنعا تۇراقتادى. قازاقستان سپورتشىلارى 17 مەدال ۇتىپ الدى. ونىڭ ىشىندە نيدجات راحيموۆ (اۋىر اتلەتيكا)، دميتري بالاندين (ءجۇزۋ)، دانيار ەلەۋسىنوۆ (بوكس) التىن مەدال الدى. ەلدوس سمەتوۆ (دزيۋدو)، جازيرا جاپپارقۇل (اۋىر اتلەتيكا)، بوكسشىلار ۆاسيلي لەۆيت، ادىلبەك نيازىمبەتوۆ، گۋزەل مانيۋروۆا (ايەلدەر كۇرەسى) كۇمىس مەدالمەن قانجىعالارىن مايلادى. قولا مەدال وتگونسەسەگ گالبادراح (دزيۋدو)، اۋىر اتلەتتەر فارحاد حاركي، كارينا گوريچەۆا، الەكساندر زايچيكوۆ، جەڭىل اتلەت ولگا رىپاكوۆا، پالۋاندار ەلميرا سىزدىقوۆا، ەكاتەرينا لاريونوۆا، بوكسشىلار يۆان دىچكو، داريگا شاكيموۆالارعا بۇيىردى.

اۆتور: مارلان جيەمباي