كورىپكەل باقىت جۇماتوۆانى الاياقتار الداپ كەتتى
ول تۋرالى BNews.kz تىلشىسىنە ساۋەگەيدىڭ ءوزى حابارلاعان.
باقىت جۇماتوۆانىڭ سوزىنشە، وزدەرىن ۋكراينالىق ءتىلشى رەتىندە تانىستىرعان ادامدار ونىڭ سەنگىشتىگىن ءوز پايدالارىنا اسىرعان.
«ماعانا ءتۇسىرۋ توبى كەلىپ، مەن جايلى اقپارات كەرەكتىگىن ايتتى. مەن تۋرالى باعدارلاما بەرەتىندەرىن ۋادە ەتتى. ال، شىندىعىندا، فوتوسۋرەتتەرىمدى مەنىڭ اتىمنان بويتۇمارلار جاساپ ساتۋ ءۇشىن قولدانعان. مەن نە ىستەرىمدى بىلمەيمىن. ءبىراق ادامدار مۇنداي قۋلىققا الدانىپ قالماس ءۇشىن، ولارعا ەسكەرتكىم كەلەدى»، - دەيدى كورىپكەل.
الەۋمەتتىك جەلىدەگى پاراقشالار مەن سايتتاردا باقىت جۇماتوۆانىڭ ءوزى دەم سالعان بويتۇمارلاردى نەبارى 6000 تەڭگەگە ساتىپ الۋدى ۇسىنادى. وعان قوسا بۇل جازبالارعا مۇنداي بويتۇماردىڭ سيقىرلى كومەگى جايلى «ويدان قۇرالماعان» وقيعالار قوسىلعان.
شىندىعىندا، باقىت جۇماتوۆانىڭ بويتۇمارلارى اناعۇرلىم قىمبات تۇرادى. كورىپكەلدىڭ سوزىنشە، ول شىنىمەن دە كومەكتەسە الادى.
باقىت جۇماتوۆا ءوزىنىڭ بويتۇمارلارى نەلىكتەن سونشالىق قىمبات تۇراتىندىعىن ايتىپ بەردى.
«شىنىمەن دە، مەنىڭ بويتۇمارلارىم - وتە قىمبات. ولاردىڭ باعاسى 6000 تەڭگە ەمەس. ءبىراق ولار ءوز يەسىنە كومەكتەسە الادى. دەنساۋلىعىن جاقسارتىپ، بايلىققا كەنەلتەدى. ءبىراق بويتۇمار ماعان بەرىلگەن تاپسىرىس بويىنشا باعدارلانىپ، سول مىندەتىن ورىندايدى. مەن مۇندا تەك تاراتۋشى قىزمەتىن عانا اتقارامىن»، - دەپ ءتۇسىندىردى جۇماتوۆا.
ال ادامدار مۇنان كەيىن الىپ- ساتارلاردىڭ قۋلىعىنا الدانىپ قالماس ءۇشىن، كورىپكەل شىرشا بۇرلەرىنەن جاڭا بويتۇمارلار جاساماق. ولار دا دەنساۋلىق، بايلىق جانە اماندىق اكەلۋ ماقساتىندا وقىتىلادى. جۇماتوۆا مۇنداي بويتۇمارلاردى عالامتور ارقىلى ەمەس، تەك ءوزى ساتىپ، كليەنتتەرىن الاياقتاردان قورعايتىنىن ايتادى.
ەستەرىڭىزگە سالا كەتسەك، باقىت جۇماتوۆا - كورىپكەل، «ەكستراسەنستەر سايىسى» تەلەباعدارلاماسىنىڭ 7-ماۋسىمىنىڭ فينالعا قاتىسۋشىسى. ول كەزدە قازاقستاندىق كورىپكەل ءوز مۇمكىندىكتەرىمەن تاڭ قالدىرىپ، ۇزدىكتەر ۇشتىگىنە جەتكەن-دى. كورەرمەندەر داۋىسىنىڭ قورىتىندىسى بويىنشا 3-ورىندى يەلەندى.
Stan.kz
