پاۆلوداردا بۇگىن ەرەكشە ترامۆاي قاتىناي باستادى

استانا. قازاقپارات - پاۆلوداردا بۇگىننەن باستاپ قاتىناي باستاعان ترامۆايدىڭ ەرەكشەلىگى سول، كولىككە كىرگەن جولاۋشىلاردى اياز اتامەن بىرگە جىل يەسى - تاۋىق تا قۇتتىقتاپ، قارسى الادى، - دەپ حابارلايدى ك ت ك ارناسى.

قوعامدىق كولىككە كىرگەن شاھار تۇرعىندارى مەن قوناقتارى ىشتە جۇرگەن اتەشتى كورىپ تاڭىرقاپ جاتتى. شارانى ۇيىمداستىرعان ترامۆاي دەپوسىنىڭ قىزمەتكەرلەرى، جۇرتقا ەرتەگىدەگىدەي التىن جۇمىرتقا ۇستاتىپ، تىلەكتەرىن تىڭدادى.

قالانىڭ كىشكەنتاي تۇرعىندارى ءۇشىن اياز اتا مەن اقشاقار تاتتىلەر ۇلەستىرىپ، مەرەكەلىك كوڭىل-كۇي سىيلادى. ال قوعامدىق كولىككە مىنگەن ءۇي قۇسىن جىل يەسىمەن سۋرەتكە تۇسكىسى كەلگەن قالىڭ جۇرتتان شوشىماس ءۇشىن تىزگىندەپ الىپ جۇرۋگە تۋرا كەلدى.