شەتەلدەردە قازاقستاننىڭ ساۋدا وكىلدەرى بولادى

استانا. قازاقپارات - مەملەكەت باسشىسى نۇرسۇلتان نازاربايەۆ مەملەكەتتىك ورگانداردىڭ باسشىلارىن اۋىستىرۋ مەن ديپلوماتيالىق قىزمەتتە كادر ساياساتىنىڭ قاعيداتتارى تۋرالى ايتتى، دەپ حابارلادى «قازاقپارات» ح ا ا ءتىلشىسى.

پرەزيدەنت ءسوز سويلەگەن ۆيدەونى Facebook-تاعى پاراقشادا اقوردانىڭ باسپا ءسوز قىزمەتى جاريالادى. «جالپى، ەلشىلىكتە كادر ماسەلەسىنە جاقسىلاپ قاراۋىمىز كەرەك. رەسەي، قىتاي، ەۋروپانىڭ گەرمانيا، فرانسيا سياقتى كەيبىر ەلدەرىندە، امەريكا قۇراما شتاتتارىندا ءبىزدىڭ ساۋدا-ساتتىقپەن شۇعىلداناتىن ۋاكىلدەرىمىز بولۋى كەرەك. بارلىق ەلدەر سولاي جاسايدى. ەكسپورتقا شىعاتىن تاۋارلاردى، بەرى قاراي ينۆەستيتسيا تارتۋ؛ مەن بارىپ كەلىسىپ كەتكەن جەرلەردە سولاردىڭ ارتىنان ءجۇرىپ، شاقىرىپ الىپ كەلىپ، قاي جەردە كىممەن سويلەسۋ كەرەكتىگىن كورسەتەتىن ەلشىلەر بولادى. تەك قانا سىرتقى ساياساتپەن وتىرامىز دەگەن بولمايدى. ءبىز رەسەي، ا ق ش سياقتى سىرتقى ساياساتىمىز دۇنيەنىڭ بارلىعىنا ىقپالىن تيگىزىپ وتىرعان ۇلكەن ەل ەمەسپىز. ءبىز ءوز جاعدايىمىزدى ويلاۋىمىز كەرەك»، - دەدى مەملەكەت باسشىسى.