شەتەلدەگى ەلشىلەرىمىزدى دەپارتامەنتكە قىزمەتكە شاقىرساڭ، مەنسىنبەيدى - ق ر پرەزيدەنتى
بۇل تۋرالى ەلباسى نۇرسۇلتان نازاربايەۆ ەلىمىزدىڭ سىرتقى ىستەر مينيسترلىگىنىڭ باسشىلىق قۇرامىمەن كەزدەسۋ كەزىندە ءمالىم ەتتى.
«باسقى كەزدەردە كادر جەتكىلىكسىز بولدى. قازىر، قۇدايعا شۇكىر، ءوسىپ كەلە جاتىر (جاس ماماندار - رەد. ). مىقتى كادرلارىمىز بولۋى كەرەك. سىرتقى ىستەر مينيسترلىگى ءوز كادرلارىنىڭ قالىپتاسۋىن اياقتاپ كەلە جاتىر دەپ سانايمىن. ءبىزدىڭ قازىر شەتەلدە جۇرگەن ەلشىلەرىمىز مينيسترلىككە كەلىپ ءبىراز جىل دەپارتامەنتتە جۇمىس ىستە دەسە، ونى مەنسىنبەيدى. كەشە كەڭەس وداعىندا قازاقتان ءبىر مينيستر دە بولعان جوق. سوندىقتان ونداي بولمايدى. قاي جەردە ىستە دەيمىز، سول جەردە ىستەسىن. ىستەمەسە باسقا جاعىنا بارا بەرسىن. سوندىقتان ءتارتىپ بولۋى كەرەك. مينيسترلىكتە اسكەريلەر سەكىلدى ءتارتىپ بولادى. سونى ەستەن شىعارماڭدار. مينيستردەن، ونىڭ ورىنباسارى، وسى وتىرعان اپپاراتتىڭ ادامدارىنان باستاپ ۇلكەن جاۋاپكەرشىلىكتەرىڭ بار. سوعان ساي بولىڭىزدار دەپ تىلەك بىلدىرەمىن»، - دەدى ق ر پرەزيدەنتى.
اۆتور: ەربول جانات
