برازيليادا گرەكيا ەلشىسىنىڭ ورتەنگەن كولىگىنەن ءمايىتى تابىلدى
قايتىس بولعان ادامنىڭ مۇردەسى ساراپتاماعا بەرىلدى، دەپ حابارلايدى رەيتەر اگەنتتىگى برازيليالىق ب ا ق- قا سىلتەمە جاساپ. گرەكيا سىرتقى ىستەر ءمينيسترى كيرياكوس اميريديستىڭ جوعالعانىن راستادى. GLOBO تەلەارناسى ءوز سايتىندا ورتەنگەن اق ءتۇستى كولىكتىڭ فوتوسىن جاريالادى. ماشينا ديپلومات جوعالعان نوۆا-يگۋاسۋ باسقارما ورنىندا تابىلدى. بەيسەنبى كۇنى برازيليالىق ب ا ق، گرەتسيانىڭ برازيلياداعى ەلشىلىگىندەگى شەنەۋنىكتەرگە سىلتەمە جاساپ، ءۇش كۇن بۇرىن 59 جاستاعى ديپلوماتتىڭ جۇبايىمەن بىرگە ريو- دە- جانەيرودا دەمالىپ جۇرگەن جەرىنەن جوعالعانىن مالىمدەگەن. Globo-نىڭ مالىمدەۋىنشە، اميريديستىڭ جۇبايى ديپلوماتتىڭ ۇيىنەن شىعىپ كەتىپ، قايتىپ كەلمەگەنىن ايتقان.
ەلشىنىڭ دەمالىسى رەسمي تۇردە 9 -قاڭتار كۇنى اياقتالادى. ەلشىلىك قىزمەتكەرلەرىنىڭ ايتۋىنشا، اميريديس سوڭعى رەت 26 -جەلتوقسان كۇنى، ۇيالى تەلەفون قوسىمشاسىمەن حابارلاما جولداۋ ارقىلى بايلانىسقا شىققان. ارينە، حابارلامانى ءوزى جىبەرمەۋى دە مۇمكىن، دەپ اتاپ ءوتتى thetoc.gr گرەكيالىق سايتى.
اميريديس 2001 -جىلدان 2004 -جىلعا دەيىن گرەكيانىڭ ريو- دە- جانەيروداعى كونسۋلى بولعان. 2016 -جىلدىڭ قاڭتار ايىنان باستاپ ەلشى مىندەتىن اتقارۋدا، دەپ جازادى ر ي ا نوۆوستي اگەنتتىگى.
