قايرات نۇرتاس جاڭا جىلدا «جاسىرىن» كەشتە بولماق

الماتى. قازاقپارات - قايرات نۇرتاستىڭ اناسى ءارى پروديۋسەرى گۇلزيرا ايداربەكوۆا ءانشىنىڭ جاڭا جىلداعى جوسپارىمەن ءبولىستى، دەپ حابارلايدى «قازاقپارات» ح ا ا ءتىلشىسى.

 «قايرات الماتىداعى كونسەرتتەن كەيىن ءالى دەمالعان جوق. سەمەيگە بارىپ، ول جاقتان اتىراۋعا ۇشتى، ءۇش كۇن سوندا بولىپ ەدى، شىمكەنتكە شاقىرتتى. 31 - جەلتوقسان استانادا بولادى - جابىق جاڭا جىل كەشىندە. وتباسىمەن بولا المايدى. ءبىراق، بۇل ءالى دە ناقتى ەمەس»، - دەدى قايراتتىڭ اناسى.

 سونىمەن قاتار، گۇلزيرا ايداربەكوۆا ءانشىنىڭ بۇعان دەيىن جاڭا جىل كەشتەرىندە وتباسىمەن قالاي قارسى العانىن دا ايتتى.

 «بۇعان دەيىن دە، بىلتىر دا تۋرا 12.00-دە ۇيگە ۇلگەرىپ كەلىپ، قارسى الىپ، سوسىن كەتىپ قالاتىن. تۋرا 12-دە قايرات بىزبەن بىرگە بولاتىن. جاڭا جىلدى قارسى العاننان كەيىن قايتادان شاراسىنا كەتىپ قالاتىن»، - دەگەن ءانشىنىڭ اناسى قازاقپارات وقىرماندارىن جاڭا جىل مەرەكەسىمەن قۇتتىقتادى.

«جاڭا جىل ءار وتباسىنا بەرەكە، ىرىس الىپ كەلسىن. ەڭ باستىسى، ەلىمىز امان، جۇرتىمىز تىنىش بولسىن. بارشاڭىزعا تەك جاقسىلىق تىلەيمىن»، - دەدى ول.

 اۆتور: الماس مۇقاش ۇلى