اللا دەپ ايتقاندا اعزادا بولاتىن وزگەرىستەر عالىمداردى تاڭ قالدىردى
اللا تاعالانى كوپ ەسكە الۋ بارىسىنداعى « ۋا، ءتاڭىرىم!» دەگەن ءسوز ۋايىمدى باسىپ، قان قىسىمىن قالپىنا كەلتىرەدى ەكەن. عالىمدار مۇنداي قورىتىندىعا جەتى جىل بويى مۇسىلمان جانە مۇسىلمان ەمەس اۋرۋلارعا جۇرگىزگەن زەرتتەۋلەردىڭ ناتيجەسىندە كوز جەتكىزگەن. اسىرەسە، « ۋا، ءتاڭىرىم!» دەگەن ءسوز دەپرەسسيا مەن ۋايىمعا ۇشىراعاندارعا جاقسى كومەكتەسكەن.
نەگىزى عالىمدار زەرتتەۋ بارىسىندا ناۋقاستارعا « ءتاڭىر» دەگەن ءسوزدى اراب تىلىندە ايتۋدى شارت قويماعان. ناۋقاستىڭ بارلىعى بۇل ءسوزدى ءوز تىلىندە ايتقان. دەگەنمەن، سول زەرتتەۋ بارىسىندا عالىمدار وزگە سوزگە قاراعاندا « الله» (اللا) ءسوزىنىڭ ەرەكشە اسەرىن انىقتاعان. سەبەبى، « الله» (اللا) سوزىندەگى باستاپقى « ا» ءارپىن ايتۋ بارىسىندا كەۋدەنىڭ ۇستىنگى جاعى ارەكەتكە ءتۇسىپ وكپەنىڭ اۋزى اشىلادى.
ال، بۇل ءوز كەزەگىندە وكپەگە اۋا كەدەرگىسىز بارۋىنا ىقپال ەتەدى. ال، « الله» (اللا) سوزىندەگى « ل» ءارپىن ايتقاندا ءتىل تاڭدايعا ءتيىپ دەمدى ءبىر مەزەتكە توقتاتىپ، ناتيجەدە دەمدى رەتكە كەلتىرەدى. ال، « الله» (اللا) سوزىندەگى « ھ» ءارپى ايتىلعاندا ەكى وكپەنى جۇرەكپەن بايلانىستىراتىن تامىر ارەكەتكە تۇسۋىنەن جۇرەكتىڭ سوعۋى قالپىنا كەلەدى.
اللا تاعالا « راعد» سۇرەسىنىڭ 28- اياتىندا: « سونداي يمان كەلتىرگەندەر، اللانى ەسكە الۋ ارقىلى كوڭىلدەرى جاي تاپقاندار. ەستەرىڭدە بولسىن، اللانى ەسكە الۋمەن جۇرەكتەر ورنىعادى» ، - دەيدى ادامزات بالاسىنا.
