بيىلعى ەڭ تابىستى بولعان قازاقستاندىق جۇلدىزدار كىمدەر؟

استانا. قازاقپارات - قازاقستاندىق «فوربس» بيىلعى جىلى تابىستى بولعان وتاندىق جۇلدىزداردىڭ رەيتينگىن جاريالادى. دەسە دە بۇل ءتىزىم بيىل سپورت پەن شوۋ- بيزنەس وكىلدەرىنىڭ بارلىعىن تولىق قامتىماعان.

بۇل تۋرالى 31 - ارنا حابارلايدى.

داۋلەتىمە كوز ءتيىپ كەتەر دەپ قورىققان جۇلدىزداردىڭ دەنى رەسمي، سالىق تولەنگەن تابىستارىنىڭ ءوزىن جاسىرىپ قالۋدى ءجون كورىپ، وزدەرىن بۇل رەيتينگكە مۇلدە قوسپاۋدى وتىنگەن ەكەن.

تانىمال تۇلعالاردان مەملەكەت قازىناسىنا تۇسكەن سالىق مولشەرىن سارالاعان باسىلىم، بيىلعى جىل گەننادي گولوۆكين ءۇشىن تابىستى بولدى دەپ جازعان. بوكسشى ءۇش كەزدەسۋىن دە ءساتتى اياقتاپ، 8 ميلليون دوللار قانجىعالاعان. ەكىنشى ورىندا دانيار ەلەۋسىنوۆ. ريودا جەڭىسكە جەتكەن سپورتشىعا ۇكىمەت 250 مىڭ دوللار، ال استانا اكىمشىلىگى 3 بولمەلى پاتەر مەن اۆتوكولىك كىلتىن سىيلاعان. ءۇشىنشى ورىندا رەسمي تابىسى 7 ميلليون تەڭگەگە باعالانعان رەپەر باحتيار مامەدوۆ تۇر. كوپشىلىككە Jah Khalib ەسىمىمەن بەلگىلى مۋزىكانت بيىلعى جىلى 150 گە جۋىق كونسەرت بەرىپ، رەسەيلىك iTunes-تە ەڭ ءجيى ساتىپ الىنعان كۇيتاباقتار قاتارىنان كورىنگەن.

سونداي- اق داۋلەتتىلەر تىزىمىندە 24 ميلليون 300 مىڭ تەڭگە تابىس كورگەن ءانشى قايرات نۇرتاس، 550 ميلليون تەڭگە قانجىعالاعان رەجيسسەر اقان ساتايەۆ پەن شوۋمەن نۇرلان قويانبايەۆ، ءانشى ايقىن مەن پروديۋسەر بايان ەسەنتايەۆالار دا بار. ال فوربستىڭ امەريكالىق نۇسقاسى ەڭ تابىستى جۇلدىزدار ۇشتىگىنە 4,6 ميلليارد دوللار ەنشىلەگەن رەجيسسەر دجوردج لۋكاستى، 3,7 ميلليارد دوللار تاپقان رەجيسسەر ستيۆەن سپيلبەرگتى جانە 2,8 ميلليارد دوللار قانجىعالاعان تەلەجۇرگىزۋشى وپرا ۋينفريدى قوسقان ەكەن.