رەسەيدىڭ تۇركياداعى ەلشىسىن ولتىرگەن قىلمىسكەردىڭ اپكەسى سۇحبات بەردى

استانا. قازاقپارات- سەحەر رەسەيدىڭ تۇركياداعى ەلشىسى اندرەي كارلوۆتى ولتىرگەن مەرت التىنشاشتىڭ اپكەسى. ول ءىنىسىنىڭ پوليتسيا اكادەمياسىنا تۇسكەننەن كەيىن قاتتى وزگەرگەنىن ايتادى.

 وقۋدىڭ ەكىنشى جىلىندا ول S. ەسىمدى اداممەن تانىسقان. اكادەميانى بىتىرگەننەن كەيىن دە ەكەۋى بىرگە تۇرعان جانە S. - نىڭ مەرت التىنشاشقا دەگەن ىقپالى زور بولعانىن ايتادى.

 «2012 -جىلدان باستاپ مەرت قاتتى وزگەرە باستادى. ياعني ونى سول كەزدەن باستاپ بىردەڭكەگە دايىنداعان» دەيدى سەحەر. تۇرىك الەۋمەتتىك جەلىلەرىندە ۇكىمەتتىك ءىس- شارالارىنا ءجيى بارادى دەگەن اقپاراتپەن S. فوتولارى پايدا بولدى. سۇحباتتا قىلمىسكەردىڭ اپكەسى باۋىرىنىڭ ەڭبەك دەمالىسىنا كەلگەندە نەلىكتەن كۇنى بويى ۇيىندە وتىراتىنىن تۇسىنگەنىن جەتكىزدى. كوشەگە شىقپايتىن، ەشكىممەن سويلەسپەدى، وزىنە جاڭا كيىم ساتىپ المايتىن، قاراپايىم ەسكى ۇيالى تەلەفوندى قولداندى. ول كەزدە مۇنىڭ بارلىعى مەن ءۇشىن قىزىق كورىندى. الايدا ءمان بەرمەگەنىن ايتادى.

 مەرت التىنشاش تۇركيا پرەزيدەنتى رەجەپ تاييپ ەردوعاننىڭ كۇزەتشىسى قىزمەتىنە ورنالاسقىسى كەلگەن ەكەن. S. ەسىمدى دوسى ەكەۋى اتالمىش قىزمەتتى اتقارۋ ءۇشىن ارنايى تەست تاپسىرعان. ولار جوعارى بالل جيناعان. الايدا تاجىربيەسىنىڭ از بولۋىنا بايلانىستى جۇمىسقا الىنباعان. مەرت التىنشاش قاۋىپتىڭ «سۇر تىزىمىندە» بولعان. بۇل تۋرالى ونىڭ اپكەسى جاۋاپ الۋ كەزىندە بىلگەن. تۇركيالىق ب ا ق التىنشاش بىرنەشە مارتە ەردوعاننىڭ ءىس- شارالارىندا كۇزەتشى بولعانىن جازدى.

 سەحەر، مەرتتىڭ دۇنيەتانىمىن اشا تۇسەتىن ماڭىزدى اقپارات ايتىپ بەردى. قىزدىڭ ايتۋىنشا ولار جاقسى وتباسىنان شىققان. الايدا باۋىرىنىڭ پوليتسيا اكادەمياسىنداعى ەكىنشى وقۋ جىلىندا كونسەرۆاتيۆتى مىنەز قالىپتاسقانىن ايتادى. دەمالىس كەزىندە وتباسىمەن تەڭىزگە بارۋدان باس تارتا باستاعان. وعان دەيىن اپكەسى جانە اناسىمەن جاعاجايدا دەمالىسىن ءجيى وتىكزەتىن. مەرت التىنشاش قىزبەن تانىسقان. ونى اناسىمەن تانىستىرماق بولعان. الايدا اناسى قىزدىڭ تەك كوزىن كورسەتىپ قالعان جەرىن جاۋىپ تۇراتىن كيىم كيەتىنىن بىلگەندە، ونىمەن تانىسۋدان باس تارتقان. «ءبىز اپكەڭ ەكەۋىمىز ونىمەن ءتىل تابىسا المايمىز» دەگەن ەكەن اناسى.

 سونىمەن قاتار، سەحەر بەينەجازبادان ەلشىنى ولتىرگەن ءساتىن كورگەندە مەرت ءوزىن مۇلدە باسقاشا ۇستاعانىن ايتادى. ءبىرتۇرلى قىلىقتار، وعان ءتان ەمەس قيمىلدار جاسادى. ونى بىرەۋ باسقارىپ نەمەسە نە ىستەۋ كەرەكتىگىن ايتىپ وتىرعانداي اسەر قالدىردى. قىلمىسكەردىڭ اپكەسى سەحەر مەرت التىنشاشتىڭ فەتۋللاح گۇلەننىڭ ۇيىمىمەن بايلانىسى تۋرالى سۇراققا جاۋاپ بەردى. مەرت ول ۇيىمنان ەشقانداي ستيپەنديا المادى دەيدى اپكەسى.

«وقۋدىڭ اقشاسىن انام تولەدى. گۇلەننىڭ «ءدارىسحاناسىنا» ءىنىم بارمادى. كەرىسىنشە گۇلەننىڭ ۇيىمىمەن بايلانىستىراتىن «كورفەز» دايىندىق كۋرسىنا قاتىسقان. ءبىراق ول ۋاقىتتا گۇلەنگە قازىرگىدەي جاۋگەرشىلىك كوزقاراس بولمايتىنىن ايتتى. كۋرس پەن ۇيىم اراسىنداعى بايلانىس تۋرالى ەشكىم بىلمەدى جانە تالقىلاماعانىن ايتادى. قىلمىس جاساماس بۇرىن التىنشاش اناسىنا حابارلاسقان. ول ۋاقىتتا اناسى سەحەرمەن كافەدە وتىرعان. سويلەسۋدىڭ رەتى بولماي، اناسى قايتا تەلەفون شالاتىنىن ايتقان. تۇركيادا الىس جولعا اتتانعان ادامدار قالاي قوشتاسسا مەرتتە ءدال سولاي قوشتاسقانىن ايتادى. الايدا سەحەردىڭ ايتۋىنشا سوڭعى كەزدەرى مەرت ءارقاشان ءدال سولاي قوشتاساتىن بولعان.

 سۇحباتتا سەحەر وتباسىمەن ءىنىسى ءۇشىن قاتتى ۇيالاتىنىن ايتقان. «ءبىز ۇيدە وتىرعانبىز. ۇيگە تانىستارىمىز تەلەفون شالىپ، مەرت تۋرالى سۇراي باستادى. ول انكارادا، ال ول جەردە تەراكتى دەگەن سياقتى. سەندەر مەرتپەن سويلەستىڭ دەر مە؟ دەپ سۇرادى. مەن اشۋلانىپ كەتتىم. مەرتتىڭ قاتىسى قانشا؟ دەپ وزدەرىنە سۇرادىم. تولاسسىز تەلەفون قوڭىراۋلارىنان كەيىن تەلەديداردى قوسىپ، ءوز كوزىمىزگە ءوزىمىز سەنبەدىك...». سەحەر، التىنشاشتىڭ دەنەسى مورگتا ەكەنىن جانە وتباسى ونى الىپ كەتپەيتىنىن ايتتى. قىلمىسقا بايلانىستى اكەسى، اناسى، سەحەر جۇمىستان شىعىپ قالعان. قازىر ولار بوي تاسالاۋعا ءماجبۇر.

 mk.ru

www.qamshy.kz