كەرري ب ۇ ۇ- نىڭ يزرايل قونىستارى بويىنشا قارارىن قولدادى

استانا. قازاقپارات- ا ق ش مەملەكەتتىك حاتشىسى دجون كەرري ب ۇ ۇ قاۋىپسىزدىك كەڭەسىنىڭ يزرايلدەن يەرۋساليمنىڭ شىعىسىندا ەۆرەي قونىستارىن سالۋىن دوعارۋدى تالاپ ەتكەن قارارىن قولدادى. ول ەكى مەملەكەت قۇرۋدى پالەستيندىكتەر مەن يزرايل اراسىندا بەيبىت كەلىسىم ورناتۋدىڭ ماڭىزدى شارتى دەپ اتادى.

كەرري بۇل تۋرالى ا ق ش پرەزيدەنتى باراك وباما اكىمشىلىگى مەن يزرايل پرەمەر- ءمينيسترى بەنيامين نە تانۋياحۋ ۇكىمەتى اراسىنداعى كەلىسپەۋشىلىك كۇشەيىپ بارا جاتقان تۇستا ايتتى. وتكەن اپتادا ب ۇ ۇ قاۋىپسىزدىك كەڭەسىندە ا ق ش ەگيپەت ۇسىنعان قارار جوباسىنا داۋىس بەرۋدە قالىس قالعان سوڭ يزرايل ا ق ش- تى سىناعان.

«ب ۇ ۇ- داعى داۋىس بەرۋ ەكى مەملەكەت قۇرۋ شارتىن ورىنداۋعا جانە يزرايلدىڭ بولاشاق ەۆرەي مەملەكەتى جانە كورشىلەرىمەن بەيبىت تۇراتىن دەموكراتيالىق ەل بولاتىنىنا كەپىلدىك بەرۋگە قاتىستى» دەدى كەرري 28 - جەلتوقساندا ا ق ش مەملەكەتتىك دەپارتامەنتىندە.

 ا ق ش ۇزاق جىلداردان بەرى العاش رەت يزرايلگە قارسى قابىلدانعان قۇجاتقا ۆەتو قويعان جوق. ب ۇ ۇ قاۋىپسىزدىك كەڭەسىنىڭ قارارىنا قاتىستى ا ق ش- تىڭ جاڭادان سايلانعان پرەزيدەنتى دونالد ترامپ «ءوز يناۋگۋراتسياسىنان كەيىن بارلىعى باسقاشا بولاتىنى» تۋرالى مالىمدەگەن.

«ازاتتىق» جاڭالىقتارى