ەلوردادا جاڭا حوككەي كورتى اشىلدى
نىساننىڭ اشىلۋىنا «سارىارقا» اۋدانىنىڭ اكىمى ارمان تۇرلىبەك، «بارىس» حوككەي كومانداسىنىڭ كاپيتانى «بارىس» برەندون بوچەنسكي، جاس «بارىستار» مەن قالا تۇرعىندارى قاتىستى.
«بۇگىن ءبىزدىڭ اۋداندا مەرەكە - ءبىز اشىق اسپان استىندا العاش رەت كاسىپقوي حوككەي كلۋبىن اشىپ وتىرمىز. مەملەكەت باسشىسى بۇقارالىق سپورتتىڭ دامۋىنا ەرەكشە كوڭىل بولەدى، ءاربىر تۇرعىنعا سپورتتىق ينفراقۇرىلىم قولجەتىمدى بولسىن دەيدى. وسى كورت تەگىن نەگىزدە حوككەي ويناۋعا ارنالعان، قالانىڭ كەز كەلگەن تۇرعىنى كەلىپ، ويناپ، كونكي تەبە الادى»، - دەدى ارمان تۇرلىبەك.
سونىمەن قاتار، اۋداننىڭ اۋماعىندا التى مۇز ايدىنى اشىلدى. ولاردىڭ بارلىعى بۇقارالىق سپورتتىڭ دامۋىنا جانە تۇرعىنداردىڭ دەنساۋلىعىن نىعايتۋعا قىزمەت ەتەدى. اشىق اسپان استىنداعى ارەنانىڭ اشىلۋىمەن استانالىقتاردى برەندون بوچەنسكي دە قۇتتىقتادى.
«ەڭ الدىمەن، وسى ارەنانىڭ اشىلۋىنا مەنى شاقىرعاندارىڭىز ءۇشىن العىس ايتامىن. ءوزىم دە وسىنداي مۇزدىڭ ۇستىندە ويناپ، ەسەيدىم، بارلىق جاستارعا ساتتىلىك پەن جاقسىلىق تىلەيمىن»، - دەدى «بارىس» ح ك كاپيتانى.
ءسوز سوڭىندا حوككەيشى اۋدان اكىمىنە اتاۋلى حوككەي تاياعىن تابىس ەتىپ، جانكۇيەرلەرمەن سۋرەتكە ءتۇستى.
