الماتى وبلىسىندا زاڭسىز اڭشىلىقپەن اينالىسقاندار ۇستالدى

تالدىقورعان. قازاقپارات - الماتى وبلىسىنىڭ ۇيعىر اۋدانىنداعى اڭ شارۋاشىلىعىنىڭ بىرىنەن ۆينتوۆكامەن، اڭشى مىلتىعىمەن قارۋلانعان ءۇش ەر ادام ۇستالدى.

كۇدىكتىلەردىڭ جول تالعامايتىن كولىگىنەن پوليتسەيلەر ەلىك پەن قاباننىڭ بولشەكتەنگەن ەتىن تاركىلەدى، دەپ حابارلايدى قازاقپارات ءتىلشىسى.

«تەكسەرۋ بارىسىندا انىقتالعانىنداي، اڭعا شىققانداردا تەك ءبىر قاباندى اتۋعا عانا ليتسەنزيا بولعان. ال باسقا اڭداردى اتۋعا قاتىستى ۇستالعاندار قانداي دا ءبىر رۇقسات قۇجاتتار كورسەتكەن جوق. سوندىقتان دا، ەلىكتى اتۋ زاڭسىز بولىپ تابىلادى»، دەلىنگەن وبلىستىق ءى ءى د باسپا ءسوز قىزمەتى تاراتقان حابارلامادا.

پوليتسيا قىزمەتكەرلەرى زاڭسىز اڭشىلىقپەن اينالىستى دەپ كۇدىك كەلتىرىلگەن تۇلعالاردان ءتورت اتىس قارۋىن تاركىلەگەن. ونىڭ ىشىندە 12 كاليبرلى ءبىر اڭشىلىق قارۋى ەش جەردە تىركەلمەگەن، ياعني زاڭسىز ساقتالعان قارۋ بولىپ شىقتى. «قازىرگى كۇنى زاڭسىز اڭشىلىق جاساۋ فاكتىسىنە بايلانىستى ق ر قىلمىستىق كودەكسىنىڭ 337-بابى بويىنشا قىلمىستىق ءىس قوزعالدى. اتىلعان ەلىكتىڭ تۋشاسى بيولوگيالىق ساراپتاماعا جىبەرىلدى»، - دەلىنگەن باسپا ءسوز حابارلاماسىندا.

اۆتور: سامال قابىشەۆا