رەجيسسەر تالعات جانىبەكوۆتى ەكى ايعا قاماۋعا الدى

الماتى. قازاقپارات - رەجيسسەر تالعات جانىبەكوۆتى قاماۋدا ۇستاۋ تۋرالى سوت سانكسياسى شىقتى، دەپ حابارلايدى قازاقپارات ءتىلشىسى الماتى قالالىق سوتىنىڭ باسپا ءسوز قىزمەتىنە سىلتەمە جاساي وتىرىپ.

«سوت تالعات جانىبەكوۆكە قاتىستى ەكى ايعا، 28- اقپانعا دەيىن قاماۋدا ۇستاۋعا قاۋلى شىعاردى. قاماۋ مەرزىمى ۇستالعان كۇننەن باستالادى. جانىبەكوۆكە قاتىستى ق ر ق ك 189-بابى 4-بولىگىندە كورسەتىلگەن قىلمىستى جاسادى دەگەن ايىپ تاعىلىپ وتىر. ناقتىلاپ ايتقاندا، وعان «فەنيكس» كينوجوباسى بويىنشا بيۋدجەت قارجىسىن جىمقىردى دەگەن كۇدىك كەلتىرىلگەن»، - دەپ حابارلادى سوتتان.

ايتا كەتەيىك، بۇعان دەيىن جانىبەكوۆتىڭ ادۆوكاتى جەمقورلىققا قارسى قىزمەت ونى تۇتقىنداعانىن حابارلاعان بولاتىن.

 

اۆتور: الماس مۇقاش ۇلى