قازاقستاندا كەلەر جىلدان باستاپ شەكتەۋسىز ينتەرنەت بولمايدى
Tele2 جانە Altel وپەراتورلارىنىڭ تۇتىنۋشىلارى تەك 31 -جەلتوقسانعا دەيىن عانا ليميتسىز ينتەرنەت قولدانا الادى. 2017 -جىلدىڭ 1 -قاڭتارىنان باستاپ قوس وپەراتوردىڭ دا ينتەرنەتى شەكتەۋلى بولادى.
«2016 -جىلدىڭ 31 جەلتوقسانىندا ءتورت تاريفتىك جوسپار بويىنشا اكسيالىق ليميتسىز ينتەرنەتتىڭ ۋاقىتى اياقتالادى» - دەپ حابارلايدى Tele2.
Altel دە 4G ينتەرنەتتىڭ اياقتالاتىنىن حابارلايدى. دەگەنمەن، تۇتىنۋشىلار اتالعان ءتاريفتى تاعى ءبىر ايعا سوزا الادى.
Beeline وپەراتورى دا ليميتسىز ينتەرنەتتى توقتاتپاقشى.
«ءبىز باسىندا- اق ەسكەرتكەنبىز. ازىرگە ليميتسىز ينتەرنەتتى سوزۋ تۋرالى جوسپار جوق. دەگەنمەن، تەگىن ينتەرنەت ەندى بولمايدى» - دەيدى كومپانيانىڭ كورپوراتيۆتى كوممۋنيكاتسيا جونىندەگى ديرەكتورى الەكسەي بەندز.
Kcell ءوزىنىڭ «پرەستيج+» تاريفتىك جوسپارى بويىنشا 10 -قاڭتارعا دەيىن شەكسىز ينتەرنەت ۇسىنادى.
جىل باسىندا Altel وپەراتورى ليميتسىز ينتەرنەتتى الىپ تاستاعان ەدى. بۇل Tele2 وپەراتورىمەن قوسىلعاننان كەيىن بولعان.
