قوستانايدىڭ بۇرىنعى اكىمىنىڭ ايەلى تاركىلەنگەن ءۇيدى قايتارىپ الدى

قوستاناي. قازاقپارات - سىبايلاس جەمقورلىق ءۇشىن سوتتالعان قوستانايدىڭ بۇرىنعى اكىمى احمەتبەك احمەتجانوۆتىڭ ايەلى جوعارعى سوتتا شەنەۋنىكتىڭ وتباسى تۇرعان ءۇيدى تاركىلەۋدەن امان الىپ قالدى، دەپ حابارلايدى قازاقپارات ءتىلشىسى.

باعلان احمەتجانوۆانىڭ شاعىمىن قاراۋ بارىسىندا ق ر جوعارعى سوتى كوتتەدجدى تاركىلەۋدى بولدىرماۋ تۋرالى شەشىم قابىلدادى. ونىمەن بىرگە وزگە سوتتالۋشىلاردىڭ شاعىمدارى مەن ۇكىمىنىڭ «جەڭىل» ەكەنىن ايتىپ، كەي تۇستارىمەن كەلىسپەگەن باس پروكۋراتۋرانىڭ نارازىلىعى قارالدى. قۇزىرلى ورگاننىڭ نارازىلىعى قاناعاتتاندىرىلعان جوق. زاڭگەر اننا كاكيروۆانىڭ تۇسىندىرۋىنشە، تالاسقا تۇسكەن مۇلىك قىلمىس جاسالعان ۋاقىتتا سوتتالۋشىنىڭ يەلىگىندە بولماعان.