قۋات «نايمان» حاميتوۆ: ولسەم دە لاقاپ اتىمدى اۋىستىرمايمىن
- جۇرەتىن قىزىڭىز بار ما؟ ەگەر جوق بولسا، ونىڭ قانداي بولعانىن قالايتىن ەدىڭىز؟
- قىزىم جوق. قىزىم بولعان كۇننىڭ وزىندە ول ەڭ الدىمەن تاربيەلى جانە ۇزىن بويلى بولۋى ءتيىس.
- تانىمال سپورتشىلاردىڭ ىشىنەن كىممەن ايقاسقا شىعۋدى ارماندايسىز؟
- مۇحاممەد اليمەن. مەن ومىرىمدە ەشكىمنەن نوكاۋت الىپ كورگەن ەمەسپىن. ءبىراق، مۇحاممەد ءالي مەنى نوكاۋتقا ۇشىراتسا، ءوزىمدى باقىتتى سەزىنەر ەدىم.
- كونور ماكگرەگور مەن حابيب نۇرماگامبەتوۆ؟ قايسىسى كۇشتى؟
- حابيب. ول ءوزىنىڭ قولىنان كەلەتىن ءىستى جاساسا، مىندەتتى تۇردە جەڭەدى.
- PlayStation-دا UFC وينايسىز با؟
- اندا- ساندا ويناپ تۇرامىن. دوستارىمدى قاتتى جەڭگەنىم سونشا، ولاردىڭ جىلاعىسى كەلەدى.
- قاي دەمالىس ءتۇرىن ءجون كورەسىز؟
- ءار كەزدە ءارتۇرلى. اسىرەسە، ساياحاتتاۋمەن، تۇنىمەن قىدىرۋ ۇنايدى. ارينە، جاعاجايدا دا ۋاقىت وتكىزگەندى ۇناتامىن.
- «نايمان» دەگەن لاقاپ اتىڭىزدى نە ءۇشىن تاڭداعانسىڭ دەپ سۇرايتىندار كوپ پە؟ لاقاپ اتىڭىزدى بولاشاقتا وزگەرتۋ ويىڭىزدا جوق پا؟
- ءوزىمنىڭ نايمان رۋىنان، قابانباي باتىردىڭ ۇرپاعى ەكەنىمدى ماقتان تۇتامىن. ءبىز ۇلى ءارى باتىر تايپامىز. مەنىڭ اتا- بابام باتىرلار بولعان. ءتىپتى، شىڭعىسحاننىڭ ءوزى نايمانداردى قۇرمەتتەگەن. مەنىڭ لاقاپ اتىمدى وزگەرتكىسى كەلەتىندەر الدىمەن مەنى ءولتىرۋى كەرەك. وندا دا ەشتەڭە وزگەرمەيدى.
- تاماق ازىرلەۋ قولىڭىزدان كەلە مە؟
- ەركەكتەر تاماق ازىرلەمەۋ كەرەك دەپ ەسەپتەيمىن. بۇل ايەلدەردىڭ جۇمىسى.
- قازىرگى زاماننىڭ قاھارمانى دەپ كىمدى ايتار ەدىڭىز؟
- قاھارمان - ول حالقىنا پايداسى تيەتىن ادام. كىم حالقىنىڭ دامۋىنا ۇلەس قوسىپ جۇرسە، سول قاھارمان.
- ءسىزدى وزىنشە دەپ ەسەپتەيتىندەر كوپ. نە ءۇشىن ايقاستارىڭىزدىڭ ءبارى شۋعا تولى تۇردە وتەدى؟
- ويتكەنى، مەن وتاندىق سپورتتى قۇرىپ كەتۋدەن امان الىپ قالۋ جولدارىن جاساپ جاتىرمىن. قازاقستان سپورتىن جاڭا دەڭگەيگە كوتەردىم. سىنايتىندار جانە باسقالاردىڭ پىكىرىنە تۇكىرگەنىم بار.
- مەكتەپ كەزىندە قانداي بولدىڭىز؟ بۇزىق بالالار قاتىرىنان بولدىڭىز با؟
- مەكتەپتە بۇزىقتار قاتارىنان بولمادىم. وتە جۋاس ەدىم. سونداي- اق، ءالسىز بالالاردى قورعايتىن ەدىم. سوناۋ بالا كەزىمنەن ۇلى ىستەر تۋرالى ويلادىم.
- نە نارسەدەن قورقاسىز؟
- ورمەكشى جانە باقادان عانا قورقامىن.
- ايەلدەر مەن ەركەكتەردىڭ قۇقىعى تەڭ بولۋى كەرەك دەپ ەسەپتەيسىز بە؟ الدە ايەلدەر ەركەكتەرگە باعىنۋى كەرەك پە؟
- ايەل ءارقاشان دا ەرىنە باعىنۋى كەرەك. تەڭ قۇقىقتىق دەگەن دۇرىس ەمەس. ەگەر مەنىڭ اتا- باباما وسى سۇراقتى قويساڭىز، ولار ءسىزدىڭ باسىڭىزدى شاۋىپ تاستايتىن ەدى.
- 2017 -جىلعا قانداي جوسپارلارىڭىز بار؟
- الماتىدا Fight Nights بەلبەۋى ءۇشىن چەمپيوندىق كەزدەسۋ وتكىزۋ، ءوزىمنىڭ WBK تيتۋلىمدى قورعايمىن. ءوزىمنىڭ جەكە كلۋبىمدى اشىپ، كاناداعا كوشىپ كەتەمىن. جىل سوڭىندا UFC- دە توبەلەسەمىن.
