سيريالىق بوسقىندار تۇرىك اسكەرىن تولىقتىرۋى مۇمكىن

استانا. قازاقپارات- تۇركيادا ەل اۋعامىنداعى سيريالىق بوسقىنداردى، ياعني، سيريالىق ەر- ازاماتتاردى وسى مەملەكەتتىڭ اسكەر قاتارىنا شاقىرۋ تۋراسىندا باستاما كوتەرىلىپ، قوعامدا قىزۋ تالقىلانىپ جاتىر.

ءتىپتى، وسى ماقساتتا ارنايى ونلاين- پەتيتسيا دا ۇيىمداستىرىلعانىن ايتا كەتۋ كەرەك.

ساۋساقپەن سانارلىق بىرنەشە كۇننىڭ ىشىندە بۇل باستامانى جاقتاپ، 260 مىڭنان اسا ادام داۋىس بەرگەن. ەگەر جاقتاپ داۋىس بەرۋشىلەردىڭ قاراسى 300 مىڭعا جەتسە، وندا پەتيتسيا تۇركيا قارۋلى كۇشتەرىنىڭ باس شتابىنا جىبەرىلەدى. باس شتاب ءوز كەزەگىندە ءتيىستى شەشىم قابىلدايدى. ەگەر اتالمىش باستاما بيلىك تاراپىنان دا، قوعام تاراپىنان دا قولداۋ تاپسا، وندا 18-45 جاس ارالىعىنداعى، دەنساۋلىعىندا كىنارات جوق سيريالىق ەر- ازاماتتاردىڭ تۇركيادا اسكەري بورىشىن وتەۋى مىندەتتى بولماق.

 سيريالىق بوسقىنداردان جاساقتالعان اسكەر استان- كەستەڭى شىققان ءوز وتاندارىندا تۇركيا مۇددەسى تۇرعىسىنان سوعىس قيمىلدارىن جۇرگىزۋى دە ابدەن مۇمكىن. ايتا كەتەيىك، تۇركيا اۋماعىندا 3 ميلليونداي سيريالىق بوسقىن بار. تۇركيا قارۋلى كۇشتەرىنىڭ وتقا ورانعان سيريا اۋماعىندا باستاعان اسكەري وپەراتسياسى باستالعان كەزدەن بەرى تۇرىكتىڭ 37 جاۋىنگەرى قازا تاپقان بولاتىن.

https://islam.kz