كەلەر جىلدان باستاپ قازاقستان پوليتسەيلەرى كولىك توقتاتاتىن تاياقتى قولدانبايدى
«ىشكى ىستەر مينيسترلىگى جول قوزعالىسى قاۋىپسىزدىگىنە قاتىستى حالىقارالىق تاجىريبەمەن تانىسىپ، زەرتتەگەن بولاتىن. قازىرگى ۋاقىتتا، ءبىرقاتار ەۋروپالىق ەلدەردە جول پوليتسياسى كولىكتى توقتاتاردا ارنايى تاياقشانى (جەزل) قولدانبايدى. حالىقارالىق ستاندارتتارعا سايكەس، 2017-جىلدىڭ 1- قاڭتارىنان باستاپ ءبىزدىڭ ىشكى ىستەر ورگاندارىنىڭ قىزمەتكەرلەرى دە كولىكتەردى توقتاتۋ ءۇشىن ارنايى تاياقشا قولدانبايتىن بولادى»، - دەپ اتاپ ءوتتى مينيسترلىكتەن.
ءمالىم بولعانداي، ەندىگىدە پوليتسەيلەر كولىكتى توقتاتۋ ءۇشىن قولىن كوتەرىپ، «توقتا!» دەگەن بەلگى بەرەدى جانە سونىمەن بىرگە، ىسقىرىقتى نەمەسە ارنايى دىبىس كۇشەيتكىش جانە جارىق بەرەتىن قۇرالداردى قولدانادى.
جول ەرەجەسىن بۇزۋشىلار سونداي-اق اۆتوپاترۋلمەن توقتاتىلاتىن بولادى. «جول ەرەجەسىن بۇزعانداردى انىقتاۋ ءۇشىن بەينەكامەرالار، سونىمەن بىرگە ىشكى ىستەر ورگاندارىنىڭ بەينە تىركەۋىشتەرى قولدانىلادى»، - دەپ ءتۇسىندىردى ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ.
