كىرمەلەرگە تولەنەتىن قاراجاتتى بالالار فۋتبولىن دامىتۋعا جۇمساۋ قاجەت - باقاۋوۆ

استانا. قازاقپارات - پاۆلودار وبلىسىنىڭ اكىمى بولات باقاۋوۆ لەگيونەرلەرگە (كىرمەلەرگە) تولەنەتىن قاراجاتتى بالالار فۋتبولىن دامىتۋعا جۇمساۋ قاجەت ەكەنىن اتاپ ءوتتى.

بۇل تۋرالى كەشە ايماق باسشىسى بيىلعى جىلدى قورىتىندىلاپ، 2017-جىلعى جوسپارلارمەن ءبولىسۋ بارىسىندا ءمالىم ەتتى.

«بىزگە لەگيونەرلەرسىز ويناۋدى ۇيرەنۋ قاجەت»، - دەدى ول. - ال، ولارعا تولەنەتىن اقشانى بالالار فۋتبولىن دامىتىپ، ءوز فۋتبولشىلارىمىزدى ءوسىرۋ كەرەك». پرەمەر-ليگا كلۋبتارى اراسىندا فۋتبول بويىنشا «ەرتىس» كلۋبى فۋتبول ماۋسىمىن ءۇشىنشى ورىنمەن اياقتاعانى ەستە قالاتىن وقيعا بولدى. ولار قولا جۇلدەگە يە بولىپ، وزدەرىنىڭ بىلتىرعى جىلعى كورسەتكىشىن جاقسارتتى. ەندى كەلەسى جىلى ەۋروپا كۋبوگى ويىندارىنا قاتىسۋ قۇقىعىن يەلەندى. جىل سايىن فۋتبولدى دامىتۋعا دەمەۋشىلەرمەن بىرگە 2,1 ميلليارد تەڭگەدەي قارجى جۇمسايمىز. سپورتتىڭ بۇل تۇرىنە جانكۇيەر ازاماتتاردىڭ اراسىندا ساۋالناما جۇرگىزىپ، فۋتبول ءۇشىن بەس ميلليارد تەڭگە جۇمساساق تا ارتىق بولماس ەكەنىن تۇسىندىك. ءوڭىر باسشىسىنىڭ ايتۋىنشا، كەلەسى جىلى 2,5 ميلليارد تەڭگەگە بيىكتىگى 50 مەتر باسسەيننىڭ قۇرىلىسى باستالادى. 200 مەكتەپتە بالالاردىڭ شاحماتپەن اينالىسۋى ءۇشىن ۇيىرمەلەر اشۋعا 120 ميلليون تەڭگە قاراستىرىلعان. سەبەبى شاحمات ويىنى جاس ورەندەردىڭ ويلاۋ قابىلەتىن ارتتىرا تۇسەدى.