قازاقستاندا شەتەلدەن بىلىكتى جۇمىس كۇشىن تارتۋ ءتارتىبى جەڭىلدەتىلەدى
بۇل تۋرالى ق ر د س ءا د م ەڭبەك، الەۋمەتتىك قورعاۋ مەن ميگراتسيا كوميتەتىنىڭ باسشىسى، ق ر باس مەملەكەتتىك ەڭبەك ينسپەكتورى اقمادي سارباسوۆ حابارلادى.
ءوز سوزىندە ول ق ر كوشى-قون ساياساتى ىشكى ەڭبەك نارىعىن قورعاۋ مەن ونى وتاندىق ماماندار ءۇشىن ساقتاۋعا، سونىمەن قاتار، جوعارى بىلىكتى شەتەلدىك جۇمىس كۇشىن تارتۋعا نەگىزدەلگەنىن اتاپ ءوتتى.
«2015-جىلعى 24- قاراشادا مەملەكەت باسشىسى قول قويعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنا ساي، 2017-جىلدىڭ 1- قاڭتارىنان باستاپ ش ج ك تارتۋدىڭ جەڭىلدەتىلگەن ءتارتىبى ەنگىزىلمەك. ونىڭ ىشىندە قازاقستانعا كەلگەن شەتەل ماماندارى ەكونوميكانىڭ باسىڭقى سالالارىنداعى سۇرانىسقا يە ماماندىقتار تىزىمىندەگى كەز كەلگەن جۇمىس ورنىنا ماماندىعى بويىنشا بىلىكتىلىك انىقتاماسىنىڭ نەگىزىندە ءۇش ايدىڭ ىشىندە وزدىگىنەن جۇمىسقا ورنالاسا الادى. شەتەل مامانى ونىڭ بىلىكتىلىك دەڭگەيىن راستايتىن ءبىلىمى، جۇمىس ءوتىلى، تاجىريبەسى جانە ت. ب. كورسەتىلەتىن بالدىق جۇيە بويىنشا بەلگىلى ءبىر باعاعا يە بولادى. ول ەڭبەك كەلىسىم-شارتىندا كورسەتىلگەن مەرزىمگە جۇمىسقا تۇرا الادى، ءبىراق بۇل مەرزىم ءۇش جىلدان اسپاۋى ءتيىس»، - دەپ اتاپ ايتتى اقمادي سارباسوۆ.
ونىڭ ايتۋىنشا، ەلگە كىرۋدىڭ باستى شارتى - شەتەل مامانىنىڭ ءبىلىم مەن بىلىكتىلىك دەڭگەيىنىڭ جوعارىلىعى بولىپ تابىلادى. سونىمەن قاتار ول 2017-جىلعى قاڭتاردان باستاپ ش ج ك تارتۋ ءۇشىن جۇمىس بەرۋشىلەرگە رۇقسات بەرۋ شارالارى قايتا قاراستىرىلاتىنىن مالىمدەدى.
«ەندى كۆوتا جۇمىس بەرۋشىلەردىڭ سۇرانىسىن، ايماقتارداعى جۇمىس كۇشىنە دەگەن سۇرانىستى، جۇمىسسىز ازاماتتار سانىن، وتكەن جىلعى ش ج ك پايدالانۋ تيىمدىلىگىن باعالاۋ مەن ەڭبەك رەسۋرستارى ەسەبىنەن جۇمىس كۇشى سۇرانىسىن قاناعاتتاندىرۋدى ەسكەرە وتىرىپ، ەكونوميكالىق قىزمەت تۇرلەرىنە قاراي بەرىلەتىن بولادى. ش ج ك تارتۋ كۆوتاسى ەڭبەك ميگراتسياسى مەن ەڭبەك ەتەتىن ميگرانتتاردى الەۋمەتتىك قورعاۋ جونىندەگى ىنتىماقتاستىق تۋرالى ق ر راتيفيكاتسيالاعان حالىقارالىق كەلىسىم شارتتار بولعان جاعدايدا بەرىلەدى. جەكە تۇلعالارعا قىزمەت ەتۋ ماقساتىندا ەڭبەك ميگرانتتارىن تارتۋ كۆوتاسىن (ءۇي شارۋاشىلىعىندا قىزمەت كورسەتۋ/ەڭبەك ەتۋ) ق ر ءى ءى م كەلەر جىلعى سۇرانىس بولجامىنا ساي جاسايتىن بولادى»، - دەپ ءتۇسىندىردى اقمادي سارباسوۆ.
سونىمەن بىرگە، كەلەسى جىلدان باستاپ ش ج ك تارتۋعا كەلىسىم الۋ ءۇشىن جۇمىس بەرۋشىلەر سالىق تولەيتىن بولادى. ونىڭ كولەمى شاقىرىلاتىن جۇمىسكەرلەردىڭ ساناتى مەن جۇمىس ىستەيتىن سالاسىنا قاراي سارالانباق. ىشكى كورپوراتيۆتىك اۋىسۋلار راسىمدەرىن جەڭىلدەتۋ ءىسى دۇنيەجۇزىلىك ساۋدا ۇيىمىنىڭ شارتتارىنا سايكەس جۇزەگە اسىرىلادى.
جالپى العاندا، كوشى- قون ساياساتىن جەتىلدىرۋدىڭ جوعارىدا ۇسىنىلعان شارالارى ەلىمىزدىڭ تۇراقتى الەۋمەتتىك-ەكونوميكالىق وسىمىنە ىقپال ەتەدى.
