تانىمال ەفيوپيالىق مارافونشى ميرۋس يفتەر ومىردەن وزدى

استانا. قازاقپارات - تانىمال ەفيوپيالىق ۇزاق قاشىقتىققا جۇگىرۋشى، ماسكەۋ وليمپياداسىنىڭ ەكى مارتە چەمپيونى ميرۋس يفتەر 23 -جەلتوقسان كۇنى كانادادا 73 جاسىندا ومىردەن وزدى.

ونىڭ قايتىس بولعانىن تۋىستارى حابارلادى. ميرۋس يفتەر تىنىس جولدارى دەرتىنەن شالدىققان. ميرۋس يفتەر ⅩⅩ عاسىردىڭ كورنەكتى سپورتشىلارىنىڭ ءبىرى. ماسكەۋدەگى وليمپيادا ويىندارىندا 5000 مەتر جانە 10000 مەتر قاشىقتىقتا جەڭىسكە جەتكەن.

ميرۋس وليمپيادا-80 جەڭىل اتلەتتىك تۋرنيرىندەگى جاسى كەلگەن قاتىسۋشىلاردىڭ ءبىرى بولدى - ول كەزدە 36 دا ەدى. سونداي- اق، ميرۋس يفتەر وليمپيادا-72 دە 10000 مەتر قاشىقتىقتا قولا مەدال ەنشىلەدى.