قىزىنا شاعىن توي جاساماق بولعان وتباسى مىڭداعان قوناقتى كورىپ شالقاسىنان تۇسە جازدادى - فوتو
مەكسيكالىق جاس ءوسپىرىم قىزداردىڭ كامەلەت جاسى ون بەس جاستان باستالاتىندىقتان، ولاردى ۇلكەن ومىرگە قادام باستى دەگەن نيەتپەن اتا- انالارى تۋعان كۇندەرىن ۇلكەن مەرەكە رەتىندە اتاپ وتەدى.
رۋبي گارسيانىڭ اكەسى قىزىنىڭ 15 جاسقا تولۋ قۇرمەتىنە وراي ۇيىمداستىرىپ جاتقان تويىنا "بارشا" ادامداردى شاقىرامىن دەپ ۆيدەو ءتۇسىرىپ، ونى ساناۋلى عانا ادامدارعا جىبەردىم دەگەن ويمەن الەۋمەتتىك جەلىلەرگە جاريالاپ جىبەرگەن. الايدا، بەينە- شاقىرتۋدى ميلليونداعان جەلى قولدانۋشىلارى كورىپ، سولاردىڭ ىشىندە مىڭعا جۋىعى كىشكەنتاي عانا مەكسيكالىق اۋىلعا ءرۋبيدى قۇتتىقتاۋعا كەلىپتى.
سونشالىقتى كوپ ادام كەلەدى دەپ ويلاماعان رۋبي توپىرلاعان حالىقتى كورىپ ەسەڭگىرەپ قالعان.
كينسەانەرا - مەكسيكالىق قىزداردىڭ بالالىعىمەن ماڭگىلىككە قوشتاساتىن كۇنى. ءداستۇر بويىنشا، اكەسى قىزىنىڭ قولىنان ۇستاپ دوستارى مەن تۋىستارى(ەر ادامدار) وتىرعان جەرگە الىپ كەلەدى.
ولار تۋعان كۇن يەسىنە راۋشان گۇلىن سىيلاپ، كەزەكپەن بيگە شاقىرادى. سونداي-اق، جاس ءوسپىرىم قىز ون بەس مايشام جاعىپ جاقىن ادامدارىنا تاراتادى.
ودان كەيىن، قوناقتار ءبي بيلەپ، ءتۇرلى ويىندار ويناپ، كوڭىل كوتەرەدى.
