ساكەن مايعازيەۆ ءبىر-بىرىمەن انا تىلىندە سويلەسپەيتىن قازاقتاردى سىناپ تاستادى - كەسكىن
مايعازيەۆ قازاق بولا تۇرا، ءبىر-بىرىمەن ءوز انا تىلدەرىندە سويلەسپەيتىن وتانداستارىنا دەگەن رەنىشىن جەتكىزدى، دەپ حابارلايدى Stan.kz.
ءانشى جەلىدەگى پاراقشاسىنا قازاق حالقى تۋرالى قازاق تىلىندە پىكىر بىلدىرگەن شەتەلدىكتەردىڭ ۆيدەوسىن جۇكتەدى. جات جۇرتتىقتاردىڭ ءبىزدىڭ تىلىمىزدە سويلەپ تۇرعانىن كورگەن ءانشى «دوسقا كۇلكى، دۇشپانعا تابا» بولعانىمىزدى اشىنا ايتتى.
«ە- ە-ە ھ! دوسقا كۇلكى، دۇشپانعا تابا بولۋ دەگەن وسى ەمەس پە ەكەن دەپ قالام. بابا ءتىلىن، انا ءتىلىن بىلمەيتىن جانداردىڭ اقشا تولەپ تۇرىپ، اعىلشىن ءتىلىن ۇيرەنەتىنىن قايتەرسىڭ؟! تاۋەلسىزدىكتى تۋ ەتكەندەردەن تۋعان ءتىلىن بىلمەيتىن ءبىز عانا ەكەنبىز. ۇيالساق ەتتى! ءبىراق، وعان دا نامىس كەرەك-اۋ... 2016 داعى وكپە- نازىم وسى بولسىنشى، 2017 گە دەيىن رەنجۋگە دە ۋاقىت بولمايىن دەپ تۇر»، - دەدى ساكەن مايعازيەۆ.
«مەن قازاقشا سويلەسپەيتىن قازاقتاردى كوردىم، كىشكەنە تاڭعالدىم، ولار قازاقتار، قازاقستاندا تۇرادى. قازاقشا سويلەۋ كەرەك»، - دەيدى امەريكاندىق ازاماتتىڭ ءبىرى.
«ەكى قازاق قىزدارى ءبىر-بىرىنە قازاقشا سويلەيدى. ءبىراق ماعان ورىسشا سويلەيدى، ءبىراق مەن ورىسشا بىلمەيمىن»، - دەپ قوشتادى ەكىنشىسى.
جەلى قولدانۋشىلارى بار كىنانىڭ قازاق حالقىنىڭ وزىنەن ەكەنىن العا تارتتى. كوپشىلىك ءبىر- ءبىرىن ءوزارا انا تىلىندە سويلەسۋگە شاقىردى.
Е-е-eh! Досқа күлкі, дұшпанға таба болу деген осы емес пе екен деп қалам... Баба тілін, ана тілін білмейтін жандардың ақша төлеп тұрып, ағылшын тілін үйренетінін қайтерсің?! Тәуелсіздікті ту еткендерден туған тілін білмейтін біз ғана екенбіз. Бірін-бірі танысын деп ұлттар мен ұлыстарға бөлген АЛЛАдан, сіз бен біз үшір қан мен тер төккен бабалар әруағынан ұлсақ етті! 😢 Бірақ, оған да намыс керек-ау...😔 2016 - дағы өкпе-назым осы болсыншы, 2017-ге дейін ренжуге де уақыт болмайын деп тұр. 😊🇰🇿📚🌎🏇👨👩👧👦☀️
