ءۇندىستاندىق كەدەي ايەل بانكتىك شوتىنا تۇسكەن ميللياردتاعان اقشادان قۇتىلا الماي وتىر

استانا. قازاقپارات - ءۇندىستاننىڭ مەراتح قالاسىنىڭ تۇرعىنى پرەمەر- مينيستر نارەندرۋ موديدان، قاتەلىك سالدارىنان ءوزىنىڭ بانكتىك شوتىنا تۇسكەن ميلليارد رۋپي  اقشانى نە ىستەيتىنىنە كەڭەس بەرۋىن سۇرادى.

بۇل تۋرالى سەيسەنبى، 27 -جەلتوقسان كۇنى The Financial Express باسىلىمى جازدى. شيتال ياداۆ (Sheetal Yadav) فابريكانىڭ قاپتاما بولىمىندە ەڭبەك ەتەدى، اي سايىن بەس مىڭ رۋپي (4,5 مىڭعا جۋىق رۋبل) جالاقى الادى. 18 -جەلتوقسان كۇنى ول بانك كارتاسىنداعى اقشانى شىعارىپ جاتىپ شوتىنا ميلليارد رۋپي تۇسكەنىن كورەدى. ءوز كوزىنە ءوزى سەنبەي، بانكوماتتاعى ۇلكەن سانداردى (999999394) كورۋگە كورشىسىن شاقىرادى. ول دا كارتاسىندا وسىنشا اقشا جاتقانىن ايتادى. ياداۆ باسقا بانكوماتقا بارىپ تەكسەرەدى، ءبىراق ول جەردە دە سول سومانى كورسەتەدى. ايەل بانككە جۇگىنەدى. ەكى كۇن وتكەننەن كەيىن ونىڭ ءوتىنىشىن قابىلداۋدان باس تارتادى. بانك قىزمەتكەرلەرى بۇل ماسەلەنى قاراماۋدىڭ جولىن ىزدەپ، سىلتاۋ ايتادى. وسىدان كەيىن ياداۆ ەرىمەن بىرگە ۇكىمەت باسشىسىنا حات جازۋعا بەل بۋادى. ايەل موديدان بۇل ماسەلەنى شەشۋگە كومەك بەرۋىن سۇرايدى.