ەسترادا جۇلدىزدارى جاڭا جىل ءتۇنى اشىق اسپان استىندا ونەر كورسەتەدى

استانا. قازاقپارات - 31 - جەلتوقسان كۇنى ساعات 21:00-دەن 03:00-گە دەيىن «حان شاتىر» ساۋدا، ويىن- ساۋىق ورتالىعى جانىنداعى مۇز قالاشىقتا قازاقستاندىق ەسترادا جۇلدىزدارىنىڭ قاتىسۋىمەن شوۋ- باعدارلاما مەن كونسەرت وتەدى.

 بۇل تۋرالى قازاقپارات استانا قالاسى اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.

 ەلوردادا جاڭا جىل ءتۇنى ايقىن تولەپبەرگەن، ءالي وقاپوۆ، مارجان اراپبايەۆا، اعايىندى جۇگىنىسوۆتەر، «وردا» توبى، «دابىل» توبى جانە تاعى دا باسقا ارتىستەر ونەر كورسەتەدى. ەلىمىزدىڭ باس شىرشاسىنىڭ جانىندا اشىلعان مۇز قالاشىعىندا كەلۋشىلەردى كوپ قىزىق كۇتەدى. سونىمەن قاتار، جاڭا جىل ءتۇنى مەرەكەلىك وتشاشۋ ۇيىمداستىرىلادى. 2017 -جىلى وتشاشۋ ەلوردانىڭ ءۇش اۋدانىندا - «حان شاتىر» س و س و جانىندا، ەسىل وزەنىنىڭ جاعالاۋىندا، سونداي- اق ابىلاي حان داڭعىلى مەن ا. پۋشكين كوشەسىنىڭ قيىلىسىنداعى ساياباعىندا بولادى»، - دەلىنگەن حابارلامادا.

 سونىمەن قاتار كونكي تەبۋدى ۇناتاتىن جاندار ءۇشىن جاعالاۋداعى جاڭا جىل ءتۇنى ەرەكشە بولماق. مۇندا قالا تۇرعىندارى ءۇشىن جاپپاي كونكي تەبۋ ۇيىمداستىرىلادى.

 اۆتور: مارلان جيەمباي