قۋانىش سۇلتانوۆ: تىنىكەيەۆكە وبال بولدى، ول مەنىڭ كوز الدىمدا وسكەن ەدى
«وكىنىشتى (تىنىكەيەۆتىڭ ورنىنان كەتۋى - اۆتور ەسكەرتپەسى)، ونىڭ ۇستىنە ول مەنىڭ كوز الدىمدا وسكەن ەدى. ول سونداي بەلسەندى، ساياسي ءبىلىم، ساياسي سالماق جيناقتاعان ادام. مەن ونىڭ شەشىمى قانشالىقتى جىلدام قابىلدانعانىن بىلمەيمىن، ول بۇل شەشىمدى سانالى تۇردە قابىلدادى. بۇل ونىڭ مىنەزىنە ساي. ول جاڭىلدى، وسىنداي قاتەلىك جاسادى»، - دەدى دەپۋتات قۋانىش سۇلتانوۆ.
«دەپۋتاتقا مۇنداي قىلىق جات. ءبىز مۇنى وعان ايتتىق. ول نەنىڭ نە ەكەنىن جاقسى بىلەدى. مۇنىڭ ساباق بولعانىن مويىندادى. دوستىق ساباعى. بالا كەزدەن بەرگى دوستار، بۇل ولاردىڭ اراسىنداعى ارا قاتىناس. سونىمەن قاتار، بۇل جاعداي دەپۋتاتتىق كورپۋس ءۇشىن دە ساباق بولدى، ارينە، دەپۋتتاتتىق كورپۋس ازاماتتىق ۇستانىمى بار، وڭ مەن سولىن تانىعان ادامداردان قۇرالعان. ال ادامداردىڭ جەكە مادەنيەتى بار»، - دەدى ماجىلىسمەن.
قۋانىش سۇلتانوۆ تىنەكەيەۆتى بۇرىنعىسىنشا جاقسى جاعىنان بىلەتىنىن ايتادى. ونىڭ سوزىنشە، تىنىكەيەۆ ب ا ق- پەن جاقسى قارىم-قاتىناستا بولعان، ونىڭ يميدجى دە بار ەدى جانە ول ءاردايىم تۋرا ايتاتىن، پارلامەنتتە دە وتە بەلسەندى بولعان. سونىمەن بىرگە، ول وسى قادامى ارقىلى حالىق الدىنداعى ابىرويىن ساقتاپ قالعانىن ايتادى ماجىلىسمەن.
گلەب شەگەلسكيدىڭ سوزىنشە، مۇحتار تىنىكەيەۆ قازىر قاراعاندىدا ەكەنىن ايتتى. «ونىڭ اناسى سىرقاتتانىپ قالدى، ول 90 جاستا»، - دەيدى دەپۋتات. ال تىنىكەيەۆتىڭ ءوزىنىڭ دەنساۋلىعى جايىندا شەگەلسكي ازىرگە وعان جۇرەگىنە وتا جاساۋعا تيىم سالىنعانىن ايتتى.
ەسكە سالايىق، تاياۋدا مۇحتار تىنىكەيەۆ جايلى داۋلى ۆيدەو جەلىدە جاريا بولعان ەدى. 20- جەلتوقساندا تارالعان ۆيدەودا ءماجىلىس دەپۋتاتى باسقا ءبىر دەپۋتاتپەن دورەكى سويلەسىپ، شاپالاقپەن ۇرادى. روليكتە بىلاپىت سوزدەر ايتىلادى.
تىنىكەيەۆتىڭ ءوزى باستاپقىدا بۇل ۆيدەونىڭ ەكى جىل بۇرىن ءازىل ەكەنىن مالىمدەگەن، الايدا Tengrinews.kz ءتىلشىسى وقيعانىڭ 2016-جىلدىڭ جەلتوقسان ايىنىڭ ورتاسىندا بولعانىن انىقتادى.
