ءسابينا التىنبەكوۆا: تەك قازاق جىگىتىنە تۇرمىسقا شىعامىن

استانا. قازاقپارات - اقتوبەدەن شىققان سۇيكىمدى ۆولەيبولشى قىز نەگىزگى ماقساتى سپورتشى بولۋ ەكەنىن ايتتى. وليمپيادا ويىندارى كەزىندە ەرەكشە سۇلۋلىعىمەن شەتەلدى شۋلاتقان ءسابينا التىنبەك قىزىنا شەتەلدىكتەردىڭ تاراپىنان تۇرمىسقا شىعۋ تۋرالى ۇسىنىستار ءجيى جاسالادى ەكەن،

  دەپ حابارلايدى NUR. KZ پورتالىنىڭ وڭىردەگى ءتىلشىسى.

ءسابينا التىنبەكوۆا: تەك قازاق جىگىتىنە تۇرمىسقا شىعامىن«شىنىمدى ايتسام، مەنىڭ جىگىت تۋرالى ويلايتىن ۋاقىتىم جوق. ۇسىنىس جاساپ جۇرگەن جىگىتتەر بار. ءبىراق، ولار كۇتەدى دەپ ويلايمىن. جىگىتتەرگە قاتىستى سۇراق ماعان ىڭعايسىزداۋ. سەبەبى، مەندە ونداي وي جوق. ماعان كوبىنە سپورتشىلار ۇيلەنۋگە ۇسىنىس جاسايدى. وزگە ۇلت وكىلدەرىنەن دە كوڭىل بىلدىرەتىندەر بولادى. ءبىراق، مەن تەك قازاق جىگىتىنە تۇرمىسقا شىعامىن. سپورتقا كوڭىل ءبولىپ، ۋاقىتىمنىڭ كوپ بولىگىن جاتتىعۋ زالىندا وتكىزەمىن. مەن سپورتتى تاستامايمىن، ءسان اگەنتتەرى مەنى ەش قىزىقتىرعان ەمەس. مەنىڭ ماقساتتارىم تەك سپورتقا بايلانىستى»، - دەيدى ۆولەيبولشى قىز ءسابينا التىنبەكوۆا.

اقتوبەدە وتكەن سپورتشىلارمەن كەزدەسۋگە جەرگىلىكتى بيلىك ءسابينانى ارنايى شاقىرعان، سپورتشىنىڭ ۇشاقپەن ءجۇرۋ شىعىنىن دا كوتەرگەن. بۇل تۋرالى سپورتشىنىڭ اناسى ايتىپ بەردى.

«ءسابينانى قازىر قىتايلىقتار تاجىريبەدەن وتۋگە شاقىرىپ جاتىر. جاتتىقتىرۋشىلارى ونى ازىرگە جىبەرىپ جاتقان جوق. ۇسىنىستى جازعا تامان كورەمىز. مۇمكىن 4-5 ايعا بارىپ قايتاتىن شىعارمىز. اقتوبەنىڭ اكىمدىگى شاقىرىپ، قولداپ جاتىر. «ءبىزدىڭ قىزىمىز» دەپ ۇسىنىس تاستاعان سوڭ ءبىز كەلدىك. ءبىزدىڭ ۇشاقپەن وسىندا كەلىپ- كەتۋ جول شىعىنىمىزدى كوتەردى»، - دەيدى ءسابينانىڭ اناسى نۇريپا التىنبەكوۆا.

ءسابينا قازىر الماتى قالاسىندا جاتتىعۋدا، ونىڭ اتا- اناسى استانا قالاسىندا تۇرادى. ول بەردىبەك ساپاربايەۆقا اقتوبەدەن ۆولەيبول ورتالىعىن اشۋعا ۇسىنىس جاساعان. اكىم قولداۋ بىلدىرەتىنىن ايتتى.

«ەگەر جاقسى ۇسىنىستار بولسا، جەرگىلىكتى بيلىك سپورتتىڭ بارلىق ءتۇرىن دە قولداۋعا دايىن. بۇگىنگى كەزدەسۋگە ارنايى جەرلەسىمىز ءسابينانى شاقىردىق. جاستار اراسىنداعى ۆولەيبولدى دامىتۋعا قاتىستى ويىن ءبىز قولدايمىز. قالا اكىمىنە تاپسىرما بەردىم، ءارى قاراي شەشىمدى قابىلدايتىن بولامىز. ءسابينانىڭ الەۋمەتتىك جەلىدە 300 مىڭ قولداۋشىسى بار. بۇل اقتوبەگە جاقسى يميدج بولادى دەپ ويلايمىن. اقتوبەنىڭ ءوز برەندى بولۋ كەرەك. ماسەلەن، مۋزىكادان- ديماش قۇدايبەرگەنوۆ. قازاقستاندا ونداي ۇزدىك ءانشى جوق. سپورتتان ءسابينانى، بولاشاقتا شىعاتىن سپورتشىلاردى قولداۋىمىز كەرەك. اقتوبەدە بىردەبىر وليمپيادا چەمپيونى جوق. بۇل ۇيات»، - دەدى بەردىبەك ساپاربايەۆ اقتوبەلىك سپورتشىلارمەن وتكىزگەن كەزدەسۋدە.